【婆媳關係】奶奶幫手陪月湊2孫 要求加家用至$2萬 新抱力數大使行為：啲錢好快見底

「相見好，同住難」，一起生活容易會因習慣不同而產生磨擦。一位港媽日前在網上大吐苦水，指因疫情關係，老爺奶奶搬到一起居住，但因開支洗費問題產生分歧，她表示奶奶買菜和燉品一個月花費8,000元，其後要求加家用至2萬元，讓港媽有所不滿，直言：「唔可以縱佢！以為我哋好好景？」

一名港媽日前（21日）在「親子王國」以「奶奶係呢個時候做埋啲離譜既野（嘅嘢）！」為題發帖，指早前產下第二胎，在坐月期間找來奶奶幫忙照顧，因疫情關係最後安排與老爺奶奶同住，現時已「同居」接近兩個月，對方會幫手照顧小朋友。港媽指奶奶對錢銀非常計較，開支亦較大，指「佢（奶奶）話買餸、燉品一個月用咗8,000幾」，近日更要求加家用，由1萬頭加至2萬元，讓她認為要求不合理，

「其實佢明知而家咁嘅時勢，家用正常要縮水，並唔係愈加愈大囉。」

港媽補充指，之前1萬多元家用是連用其水電煤費用，但現時已一起居住，帳單由丈夫支付，嬰兒用品又不用對方花費，反問：「其實佢哋有咩開支要拎多1萬？」

港媽又表示，自己坐完月後可以「食返普通嘢」，不用豪買昂貴的補品食材，認為「慳得就慳」夠食即可，加上擔心將來經濟變差，故希望能多節省金錢。此外，她又力數奶奶「唔識慳」，要開兩部冷氣才感到涼快；此外，家中已有約10盒口罩，但奶奶又要再重複購買，

「根本就唔需要再買，係要浪費啲錢，啲錢交到佢手係唔會有得凈。所以我先甘（咁）大反應。」

港媽透露，家用由丈夫支付，且丈夫對「加家用」一事沒有異議；另外，她亦有一直工作，負擔自己開支，會給母親家用，反之丈夫則未有給她家用。

帖文引起網民熱議，有部份人認為8,000元對坐月來說，開支合理，「其實湊兩個真係好辛苦，互相體諒啦，大家傾吓」、「佢哋唔湊，你哋都係要俾（畀）家用，請工人又一筆，其實2萬都差不多」、「一家6口使費好貴的」。亦有人認為「老公完全冇問題照比（畀），即係佢比（畀）得起，你都冇嘢好講啦，錢係佢既（嘅），而你係佢老婆都絲毫左右唔到佢」。事後港媽表示，發文只是純粹吐苦水發洩，又指奶奶是其家人，不會作出不尊重的行為。

社工：三代家庭共住 有分歧屬常見

香港家庭福利會丘慧敏姑娘接受《晴報》訪問時透露，婆媳糾紛或分歧經常出現，因為雙方站的角度不同。在奶奶角度而言，可能希望能買昂費的食材給媳婦「補身」；但在媳婦的角度，則認為奶奶開支過大。

丘姑娘解釋指，多代家庭雙方在生活細節上、煮飯口味，甚至在教育上均有各自固有觀念，需要時間磨合，最理想是雙方可以踏前一步，坦誠了解對方的角度、其背後的想法，從而理解和體諒。

丘姑娘表示，第三者協調亦非常重要，丈夫可在婆媳雙方間擔任協調角色，因為丈夫理應同時了解妻子與母親想法，傳遞雙方背後想法，可有效減少分歧和衝突，不過前提是，丈夫本身都要足夠了解妻子，有鞏固的關係。此外，亦可向家庭機構尋求協助：

香港家庭福利會「兩代同行育兒孫」課程

查詢電話: 8100 2928

每朝索取《晴報》：精明生活．健康家庭．開心娛樂

撰文︰劉紀瑩