【商場播毒】伯伯除口罩踩座位扶手剪腳甲 街坊嘆少數人不自律令防疫徒勞

本港爆發第三波新冠肺炎疫情，市民均加強防疫意識，卻有人公然在商場拉低口罩剪腳甲！有筲箕灣女街坊分享，指日前在商場目睹一名伯伯不但拉低口罩，更除鞋把腳踩上座椅扶手，再拿出剪甲鉗剪腳甲，直斥行為缺德，慨嘆「幾努力防疫都係徒勞無功」。

一位女網民今日（20日）凌晨在Facebook群組發文，表示自己日前途經筲箕灣愛東商場時，目睹一名伯伯不但拉低口罩，更公然拿出剪甲鉗剪腳甲，事主見況大感無奈，

「見到伯伯拉低口罩剪腳甲（有備而來），真係唔知應該尊重敬老，還是責罵佢好。就算我們有幾努力防疫都好，最終都係徒勞無功！」

事主又稱，希望有認識該名伯伯的網民看到帖文後，能幫忙加以勸喻，讓他稍為「收斂」，「返屋企至好做私人護理」。

不少網民看到帖文後，紛指摘涉事伯伯的行為不可取，留言表示「冇個人及公眾衛生意識，好核突」、「我發覺啲人真係唔知個『醜』字點寫」、「尋晚喺港鐵有個人都係唔戴口罩，（我）即刻喝佢戴返，（對方）轉頭搣腳皮，我直程問佢『究竟係唔係人嚟㗎』」。

此外，亦有女網民在Facebook群組分享指，在一港鐵站附近範圍，目睹多名中年男子和老翁坐在路旁，期間卻未有佩戴口罩，擔心存有「播毒」風險。

盤點容易中招高危行為 茶聚、打麻雀、打波8大活動應避免：繼續閱讀

每朝索取《晴報》：精明生活．健康家庭．開心娛樂

撰文：蘇麗儀