【新冠肺炎】疫情下未能在家工作焗返公司 港男呻同事不戴口罩：當屋企咁

本港第三波新冠肺炎疫情嚴峻，昨日（16日）更新增67宗確診個案創單日新高；雖然不少公司讓員工在家工作（Home Office），但仍有包括公務員等部分打工仔需回公司上班。一名港男日前在網上討論區訴苦，指即使爆發第三波疫情，大部分同事仍然「冇有怕」，將辦公室當成屋企不戴口罩。此事引來其他網民共鳴，紛紛留言表示已不求在家工作，「只係想佢哋（同事）戴口罩」。

港男呻大部分同事在辦公室不戴口罩

該名港男在網上討論區以「同事唔戴口罩」為題發帖，指自己為公司新人，剛開始上班一星期，卻赫然發現同事們「真係當屋企咁」，在辦公室內均不戴口罩，

「成間公司20個人左右，至少有15個唔戴罩。上星期尾再爆第三波都唔戴，有冇人公司啲人都唔戴？」

此事引來網民熱議，不少人表示感同身受，有人更表示：「痴線，以為個post我開。同我公司一樣，成班後生冇個戴。已經唔想求咩WFH（Work From Home，在家工作），只係想佢哋戴口罩，同HR（人事部）講佢答我最緊要個人衛生……你係隱形患者嘅話，你隔嚟個同事搵漂白水沖涼都唔會有用囉，唉，對住佢哋係完全唔想返工！」

不過，亦有網民坦言在自己位時會除下口罩，「我係自己個位唔戴，空間都算大，有晒間隔，一離開個位就會戴返，點睇？唔知會唔會畀人背後話。」

港女呻有同事不戴口罩兼乾咳

此外，亦有女網民日前在Facebook群組「巴打絲打 Facebook Club」發帖，指有同事經常「借啲以」不戴口罩，

「又成日乾咳（小動作），雖然心入面XX緊佢，但點樣禮貌啲同佢講？」

對此，一眾網民紛紛建議道：「唔使講嘢，見到佢就避，冇得避就退開兩步。」、「貼張紙出來！」、「扮好心，問使唔使送個口罩畀佢。」、「呢個時候唔使畀面佢，可能你鬧仲會成班同事同你一齊鬧佢。」

患者大聲說話可播毒 1分鐘產逾1,000粒病毒飛沫

美國早前一項研究發現，患者即使不打噴嚏、不咳嗽，在密閉環境大聲交談1分鐘，已經可以產生逾1,000粒帶病毒的飛沫，並可在空氣中停留超過8分鐘，恐傳播新冠肺炎。

另德國一間科技產品公司早前以「紋影顯像技術」（Schlieren）實測「戴口罩」與「沒戴口罩」氣流變化，結果發現無論是呼吸、說話或咳嗽，在沒戴口罩的情況下，氣流都會出現劇烈變化；至於戴上口罩後，則幾乎不會對氣流產生任何影響。該公司指出，戴上口罩可阻止呼出氣霧或飛沬，從而有效降低傳染新冠肺炎風險。

延伸閱讀：

【新冠肺炎】患者出沒商場食肆名單一覽 千両、客家好棧、德福無印榜上有名【7月16日深夜最新】【查看詳情】

【美國研究．新冠肺炎】患者大聲說話可播毒 1分鐘產逾1000粒病毒飛沫 懸浮空氣中逾8分鐘【查看詳情】

【戴口罩】飛沫可高速噴出至8米遠 德國實驗證戴口罩可減氣流變化驚人【查看詳情】

立即用 Whatsapp 免費下載【養好你的胃2020】電子書
https://bit.ly/30cKfuU

每朝索取《晴報》：精明生活．健康家庭．開心娛樂

責任編輯：李凱晴