【使錢唔眨眼】黃聖依用260萬天價面霜保養？ 土豪式斥巨資研發專屬護膚品

內地女星黃聖依近日參與綜藝節目《乘風破浪的姐姐》，當正其他參賽藝人係「妹仔」，又對工作人員無禮貌，被網友批評她公主病兼目中無人。黃聖依是非多多，近日於微博更流傳出佢用天價買護膚品，有傳佢買一個面霜就要260萬，而且該品牌有錢都未必買到，讓唔少網友嘩然。

相關新聞：【乘風破浪的姐姐】黃聖依公主病發目中無人犯眾憎 翹起周星馳泊百億碼頭不愁衣食

{{hket:inline-image name="6c8e2e43gy3gfwkc6m257j216o1kw1kx.jpg"}}{{/hket:inline-image}}

（圖片：黃聖依微博）

{{hket:inline-image name="4766fbd0gy1ggogoxxoj0j21400u0dm6.jpg"}}{{/hket:inline-image}}

黃聖依上《乘風破浪的姐姐》負評多多（圖片：伊能靜微博）

在微博瘋傳一位內地美容界網絡紅人，透過黃聖依上節目曝光的梳妝台，從中觀察她的護膚品，猜測她使用的都係超昂貴的品牌。影片遭到網友熱烈討論，指黃聖依用嘅其中一個澳洲護膚品牌，擁有「超VIP」定制服務，會為客戶根據其DNA，度身訂造專屬嘅護膚品。不過據知條件係必須成為品牌VIP會員，而入會條件係需要消費滿50萬澳幣（約270萬港元），品牌先會作進一步考慮正式入會要求。

{{hket:inline-image name="ru.jpg"}}{{/hket:inline-image}}

黃聖依著重皮膚保養（圖片：黃聖依微博）

網上亦流傳岀一張疑似網友電郵查詢該品牌客戶服務員的對答截圖，對方就承認有VIP服務，並且於澳洲、日本、意大利及德國都設有實驗室，專為VIP客人研發護膚品，不過定制護膚品的價錢，對方就沒有透露。

{{hket:inline-image name="5u.jpg"}}{{/hket:inline-image}}

（網上圖片）

雖然唔知流岀嘅對話截圖係真定假，不過黃聖依去年上內地美容節目，被問到傳説中「天價面霜」，黃聖依就回應：「網上流傳嘅相有啲移花接木，不過我的確用咗好多錢做研發，因為我想做一個對自己好有用、有效果嘅產品。」間接承認自己有訂製專屬護膚品啊！

{{hket:inline-image name="25.jpg"}}{{/hket:inline-image}}

（網上圖片）

{{hket:inline-image name="ge.jpg"}}{{/hket:inline-image}}

黃聖依承認有研發專屬自己的護膚品（網上圖片）

其實之前黃聖依在《乘風破浪的姐姐》中，亦公開了自己的美容小天地，當中看到佢豪買5款貴婦護膚品牌，全部一千元起跳，而且化妝櫃都散發豪華氣息。加埋黃聖依老公楊子係大陸富豪，目前係中國巨力集團副董事長兼執行總裁，有指家族資產逾百億人民幣，仲有傳每年會給老婆兩億零用錢，咁都難怪黃聖依可以「豪洗」，落重本買護膚品！

{{hket:inline-image name="4.jpg"}}{{/hket:inline-image}}

黃聖依家中護膚品超多（影片截圖）

{{hket:inline-image name="21d783e05c76a8400215a767d4c1840c.jpg"}}{{/hket:inline-image}}

黃聖依老公楊子是大陸富豪（東星娛樂）

{{hket:inline-image name="6c8e2e43ly1gfsxwo3x57j21o0280x6s.jpg"}}{{/hket:inline-image}}

（圖片：黃聖依微博）

撰文：羅慧怡