【好人好事】大頭蝦男食燒肉遺失牙套 獲熱心店員徒手摷垃圾桶 堅持助尋回︰牙套好貴㗎

相信不少以隱形牙套箍牙的人，由於每次進食前都要將牙套除下，有時都會貪方便隨手用紙巾包好放枱面。一位大頭蝦男子日前到旺角朗豪坊一間食燒肉店進食期間，不慎牙套遺留在餐廳，用膳完畢驚覺後立即趕回餐廳。令他窩心的是，店員及洗碗姐姐得知後熱心幫找，更謂「一定會幫你搵，啲牙套好貴㗎」，最終成功協助尋回。對於兩人無私協助，事主大為感動，更揚言要在社交媒體上公開表揚。

一位男網友今日（13日）在Facebook 群組發文，指自己早前在旺角朗豪坊一間燒肉店與朋友吃飯，正在牙齒矯型的事主因為貪一時方便，將透明牙套用紙巾包好放於枱面上，用膳完畢後直接走人。

去完廁所後，事主突然驚覺牙套遺留在燒肉店桌上，隨即趕回餐廳向店員查詢。當時職員已收拾好枱面，但對方仍熱心幫忙尋找︰

「男店員就帶我入去廚房個垃圾筒到幫（手）揾，佢仲唔怕污糟、徒手幫我係充滿惡臭冷飯菜汁嘅垃圾桶到摷，就連洗碗姐姐都幫埋我一份。」

事主感到十分抱歉，擔心會阻礙店員工作，但兩人仍熱心尋找，洗碗姐姐更表示：「一定會幫你搵，啲牙套好貴㗎。」事主坦言，補領一個牙套基本要過千元，但始於麻煩到別人，最後決定放棄離開餐廳。

「我仲搞到洗碗姐姐因為摷到d垃圾周圍都係，搞到佢畀收垃圾嘅阿叔鬧，我真係勁過意唔去，然後我同佢哋講，揾唔到就由去啦，唔好阻住你哋做野。」

{{hket:inline-image name="a5e2f3d6-edf7-4154-9a5b-9c4a81001271.jpg"}}{{/hket:inline-image}}

事主最終成功尋回牙套。(獲當事人授權轉截)

當事主放棄尋找離開後，乘車回家途中時突然收到燒肉店的短訊，表示已為他尋回牙套，「找了，恭喜你」。事主當下感到「極度唔好意思」，因為即使在他離開後，店員仍未放棄繼續摷垃圾桶尋找牙套，令事主大為感動，

「我真係覺得好有愛，問心嗰句，其實佢哋冇必要咁做，甚至乎連垃圾桶都可以唔洗幫我摷，但佢哋真係做埋超乎工作範圍外嘅嘢，我真係唔知講咩好。」

最後為表謝意，事主買了甜點慰勞店員，「但都遮蓋唔到我嗰種勁唔好意思嘅心情，因為自己嘅大意搞到人地咁多人」。他原打算撰寫郵件向店方讚揚兩人，但因網上未能找到電郵地址，故決定在社交網站撰長文。

帖文一出，隨即引來大批網民留言大讚是好人好事，「勁好人」、「佢哋真係好好」、「人間有愛」，亦有人提醒事主下次要穩陣收妥牙套，以免浪費他們一番好意。

每朝索取《晴報》：精明生活．健康家庭．開心娛樂

撰文︰潘迦晴