印度裔演員陳振華經常在不同電視劇和電影演出,他是香港人操流利廣東話,擁有印度人的外表,令有些南亞族群的角色都能夠駕馭。其中令觀眾印象最深刻的是他在《金宵大廈》中飾演警察,而且戲份不少,與鄧佩儀有感情線發展,不過近來甚少見到他的演出。
(圖片:《金宵大廈》電視截圖)
(圖片:陳振華Facebook)
陳振華結婚6年育有一女,在他的社交平台上除了工作的照片外,就是家庭的生活照,看似溫馨的一家,原來處處隱憂。陳振華的太太Alison今日在FB 撰長文數臭丈夫,指斥他不忠、欠債、工作態度差、製造假新聞,甚至虐打女兒。
相關新聞:【金宵大廈】印裔演員陳振華為養家兼職搬運工人 慘被侮辱 仍做一事助癌症患者
(圖片:陳振華Facebook)
(圖片:陳振華Facebook)
(圖片:陳振華Facebook)
太太Alison留言說:「我同個女食都冇得食,學費你唔交,累到個女冇書讀要退學!都係靠開餐廳嘅朋友比碗飯我同個女。做人要飲水思源,事業上我幫咗你幾多你心照啦!」、「佢出世咁耐你一件玩具都冇買過俾個女啦!淨係送過一包糖咋!個女記到而家呀!果隻糖你女以前唔食嫁!因為你佢鍾意咗呢隻糖,話你買過比(畀)佢!成日都叫我買!因為佢好開心係你送比(畀)佢!唔好再講到自己咁委屈話我教個女趕你走!首先個女冇趕你走,你要仆倒去搵隻北姑唔返屋企係你嘅事!唔該唔好再同人老作!第二係你自己對個女衰令個女討厭你!係邊個丟低個女一個人喺餐廳走咗去,最後要餐廳嘅人打嚟搵我我先知道?係邊個打到個女流血?係邊個成日打個女個頭話個人賤?係邊個一巴巴打落個女度!係邊個成日講粗口鬧個女嚟威脅我?做人唔好做到咁賤!唔好怪我打呢篇嘢,因為我真係忍無可忍!」
相關新聞:【殘酷一叮】鍾凱琪勇字當頭參賽終成「池美麗」 喬寶寶除衫彈起入行13年離巢
(圖片:陳振華太太Facebook截圖)
(圖片:陳振華太太Facebook截圖)
(圖片:陳振華太太Facebook截圖)
Alison直指陳振華並非早前報道所指為養家而搬貨,一切都只是「演戲」,直指他無心工作,就算有工開都態度欠佳,就算同天后容祖兒拍廣告,都照樣向工作人員發脾氣,指罵廣告公司不肯先拍他的戲份,阻他上大陸拍攝。Alison稱自己早就知道陳振華有外遇,沒想到忍氣吞氣的同時卻被對方向外面說三道四,她揚言:「收咀唔好再抹黑我同個女!同埋麻煩盡快回港辦理離婚手續!」Alison在文尾聲明,跟陳振華早已分開,並沒有見面和聯絡,指陳振華欠下的債務與她無關,望債主們主動報警。
(圖片:陳振華Facebook)
(圖片:陳振華Facebook)
責任編輯:楊安莉