【反目事件簿】張栢芝爆紅與朱永龍解約拖四年 梁洛施霍汶希十年後一餐泯恩仇

日前Angelababy同內地經理人結束合作關係，雖然Baby喺微博宣布消息時表示好遺憾冇辦法繼續合作，表面上都係好聚好散，不過好多粉絲都表示支持，事關佢哋都認為經理人公司令到Baby事業停滯不前。

不過就唔係個個都可以咁和平同經理人公司解除合約，唔少人甚至會因為錢銀而擘面，仲分分鐘搞到對簿公堂。

梁洛施與霍汶希

由英皇一手栽培當年年僅廿歲嘅梁洛施（Isabella） ，但自從佢同李澤楷拍拖之後即時潛水，更指英皇合約苛刻，令英皇入稟控告佢毀約。 據知李澤楷不惜出錢出力為Isabella同英皇打官司，最後雙方達成庭外和解。當年英皇高層兼梁洛施經理人的Mani霍汶希於接受訪問時直言自己手下有30幾個藝人，走嘅只有一個梁洛施，被指暗寸對方反骨。

{{hket:inline-image name="yuy_600.jpg"}}{{/hket:inline-image}}

（Joey ig）

不過時間可以沖淡一切，前年Isabella返嚟香港之後撞番Mani，更邀約食飯，就咁二人就破咗冰，世上都冇永遠敵人！

張栢芝與朱永龍

張栢芝與朱永龍於九八年簽訂經理人合約，之後栢芝拍攝喜劇之王一炮而紅。2000年，栢芝以經理人條件太苛刻為由要求解約，朱永龍反駁因片酬問題被誣告，終鬧上法庭，拖拉四年，雙方才達成和解協議。朱永龍後來轉捧樣貌同栢芝酷似嘅貢米，有人指佢想捧另一個栢芝出嚟報復，但佢就話自己嘅目標只係打造一個成功嘅貢米，話希望栢芝嘅發展愈來愈好，冇需要將兩者比較。

{{hket:inline-image name="e68ebec08e7d029ced672c265914f20bsaasftp20200221.jpg"}}{{/hket:inline-image}}

栢芝（東星娛樂）

{{hket:inline-image name="8ea4bf3f4f205cb4b3209ffea1b80bb8.jpg"}}{{/hket:inline-image}}

貢米與朱永龍（東星娛樂）

鄭嘉穎與戴思聰

鄭嘉穎初出道曾陷事業低潮，之後一度去台灣發展。06年憑電視劇《天幕下的戀人》人氣急升，被前經理人戴思聰突然要佢履行一份13年前簽嘅終身抽佣合約，一生的收入均要畀戴思聰抽百分之十佣金。更向鄭嘉穎發出律師信，通知他要履行賣身合約。當時圈中人好多力撐鄭嘉穎，最後戴思聰放棄追數，不過二人之間嘅結直到戴思聰過身後都未解開，戴思聰女兒更拒絕鄭嘉穎到靈堂出席喪禮。

{{hket:inline-image name="d9f4893da7aba7cf07dc7405c67f8738saasftp20200221.jpg"}}{{/hket:inline-image}}

（東星娛樂）