【天使外傭】父母離婚女兒無人理 暖心外傭照顧視如己出 甘苦與共不回國結婚

不少僱主常因不滿外傭在網上大吐苦水，形容遇到好外傭如「中六合彩」。但近日有人分享一件窩心事，指一位外傭的僱主夫婦於數年前離婚後各自生活，對女兒愛理不理，原本打算返國結婚的外傭見狀於心不忍，最終放棄回國，並視僱主女兒如親女般照顧，感情如同母女，感動不少網民。

一名僱主昨日（17日）在Facebook 群組「外傭僱主必看新聞訊息」發帖，指日前見到家中外傭姐姐放假的相片，每次相中都會出現一名女童同行，好奇之下就向外傭姐姐查問一下，外傭姐姐就指，

「細路女係一個外傭朋友僱主個女，由newborn（出生）湊到而家6-7歲」

外傭姐姐表示，友人的僱主約6年前離婚，該名女童的媽媽再婚，而女童就跟隨爸爸生活，惟爸爸大部分時間都留在內地做生意，加上認識新女朋友，故女童一直以來都是與照顧她的外傭相依為命，

「個細路女又當正佢阿媽咁。」

她續指，照顧女童的外傭姐姐原在兩年前已打算回國結婚，惟因擔心女童日後無人照顧，決定繼續留港照顧女童。樓主得悉背後故事表示感動，形容對方是「天使」，又指該外傭姐姐每周放假，都會帶同女童到教會唱歌跳舞，又指：「好多姐姐都睇住佢大好錫佢，仲成日同妹妹講佢唱歌跳舞咁叻，第時要去選美，比好多自信佢。」

帖文引來網民熱議，不少網民留言大讚姐姐有愛心，「呢個姐姐真係好好，慶幸小朋友搵到個咁錫佢嘅姐姐，比(畀)返少少溫暖佢」、「好感人，呢位姐姐真係好好~值得讚賞」，亦有人分享類似經歷「我姐姐個朋友都係咁，佢湊嗰個妹妹，媽媽早兩年癌症過咗身，爸爸再婚，姐姐星期日返教會都會帶埋個妹妹，其他姐姐都好鐘(鍾)意呢個妹妹。」、「我細個時工人姐姐星期日也帶我返Church（教會）同去街，直到現在佢仲在香港照顧我地(哋)屋企。30年了！」

每朝索取《晴報》：精明生活．健康家庭．娛樂資訊

撰文︰潘迦晴

責任編輯︰黃志宏