【堅持VS分手】被嫌肥太節儉不滿意衣著 港男呻被女友嫌棄常被罵：做乜都睇唔順眼

兩性關係向來是一門高深學問，有些人費盡心思仍是無法「了解」。一名港男日前上網抱怨被女友嫌棄，由身形、衣著打扮至用錢習慣，對方全部不滿意，「總之做乜佢都係睇唔順眼」，事無大小均會被女友責罵，令他身心俱疲，只好向網民請教：「到底仲應唔應該堅持一齊落去？」

該名港男近日在網上討論區「連登」，以「有冇人一直畀自己女朋友嫌棄？到底仲應唔應該堅持一齊落去」為題發帖，指自己長期被女友嫌棄，

「又嫌我肥，又嫌我著衫唔好睇，又嫌我呢樣嗰樣，總之自己做乜佢都係睇你唔順眼，小小事就畀佢鬧。」

他續指，自己與女友拍拖多年，而且亦很愛對方。他又稱自己比較節儉，「好小會食啲貴過百幾蚊嘅嘢」，同時努力儲錢為將來，「但最貴都試過買份過萬蚊嘅禮物畀佢，總之我做咩都係睇我唔順眼。」然而，女友的說話卻經常刺傷他：

「女友:『我上司對我好好請我食X百幾蚊餐嘅貴嘢，你呢？唔係M記就譚仔』……其實聽到咁講真係會好心悒。」

而每次鬧交或冷戰時，他都會「衰心軟」哄回女友，「不過呢排冷戰咗好耐，佢都係唔會哄返我。」他坦言，女友性格比較強勢，永遠不會覺得自己做錯，「我覺得一段關係要雙方一齊維繫，我已經好攰，唔想再理......要放手都唔係咁易，唉，唔明點解要受咁多氣。」正在減肥的他不禁詢問：

「人到中年，冇錢、冇事業、冇樣，係咪唔好拖住人比較好？」

網民勤分手 VS 籲改善缺點

此事引來網民熱議，不少人留言勸他面對現實，「得罪講句，睇你唔順眼都等如唔再鍾意你㗎啦」、「你唔飛佢，遲早佢飛你」、「長痛不如短痛」、「我都覺得應該分手，可能短期係會傷啲，但長期你會舒服好多」、「樓主，冇需要同一個成日貶低你嘅人一齊，你值得更好」。

不過，亦有不少女網民直言自己也是一個挑剔的女友，就是因為太愛男友才變成「阿媽教仔」，著樓主反省自己不足之處，「就好似細個媽媽教你做嘢，你嫌媽媽煩」、「咁因為係要對一生一世嘅人，所以一齊咗之後會好認真咁挑剔佢，希望佢變得更好，但唔經唔覺會變得好harsh」、「女朋友嫌棄都係想你好，不過冇理嘅嫌棄就由佢啦」、「如果我係你，我就會改咗自己嘅缺點。但如果對方仲不斷講咩『你改咗又點，你以前點點點』，我就會開波X佢」。

每朝索取《晴報》：精明生活．健康家庭．娛樂資訊

責任編輯：李凱晴