【大家忙】馮盈盈與好姊妹船P後首次見面 江嘉敏肚凸凸着波鞋呻被比下去

馮盈盈和江嘉敏自發生「富貴船P」羅生門後今日首次碰頭，兩人笑晒口攬晒腰，用行動粉碎不和傳聞，但盈盈喺台上不斷被「抽水」，主持頻頻笑佢愛「船P」。

{{hket:inline-image name="100087138_941863179608565_5856150370401749676_n.jpg"}}{{/hket:inline-image}}

（江嘉敏IG）

盈盈早前被指跟賭王何鴻燊四房公子何猷亨坐遊艇出海而傳出緋聞，事後佢稱係抆好姊妹江嘉敏衫尾上船，自己本身唔認識猷亨。不過，江嘉敏否認此事，更揚言盈盈大把追求者，更反指係盈盈邀佢上船。二人各執一詞，鬧出「羅生門」。早前江嘉敏喺社交平台冇開名鬧爆「知人口面不知心」，令人不禁聯想到同「船P羅生門」有關，雖然兩人事後都否認，但就令佢哋嘅不和傳聞甚囂塵上。

{{hket:inline-image name="WhatsA.jpeg"}}{{/hket:inline-image}}

（晴報圖片）

事隔大半個月，盈盈同江嘉敏今日終於喺「TVB Amazing Summer」嘅宣傳活動上碰頭，兩人獲安排一齊合照，攬晒腰兼笑容滿面。沐浴喺愛河中嘅江嘉敏最近發福唔少，幸福雙下巴都唧埋出嚟，肚凸凸嘅佢以波鞋上陣，更向盈盈詐嬌稱話自己着平底鞋，高度被比下去。

{{hket:inline-image name="Wha.jpeg"}}{{/hket:inline-image}}

（晴報圖片）

佢哋齊齊接受訪問，盈盈直認今次係新聞後二人首次見面：「因為大家一直都忙，暫時都約唔到見面，今次工作就見到面。（尷尬？）冇，絕對冇！」而江嘉敏反問點解要尷尬，指自己忙拍《七公主》直至早上7點先收工，指空閒時會約盈盈補食生日飯，仲同盈盈講：「放心，唔會拖太耐。」

{{hket:inline-image name="W.jpeg"}}{{/hket:inline-image}}

（晴報圖片）

兩人都指事件冇影響到佢哋嘅友情，盈盈指：「坦白講，新聞冇特別影響，因為我工作忙，所以都少時間上社交平台，大家有少少諗多咗，冇咁戲劇化嘅，關係維持不變。」江嘉敏就話自己一向好少留意娛樂新聞，認為睇太多對自己健康冇益：「好多都係無中生有嘅假新聞，我會少接觸啲。」

{{hket:inline-image name="Whats.jpeg"}}{{/hket:inline-image}}

（晴報圖片）

{{hket:inline-image name="15.jpeg"}}{{/hket:inline-image}}

（晴報圖片）

不過活動上，馮盈盈仍不斷畀主持人「抽水」，麥美恩笑言：「馮盈盈你唔亂上人隻遊艇就唔會咁多事啦！」而節目《#後生仔傾吓偈》亦不停圍繞「船P」作話題狂「潤」馮盈盈，不過一向玩得嘅盈盈都冇介意，全程笑到四萬咁口。

{{hket:inline-image name="Wh.jpeg"}}{{/hket:inline-image}}

（晴報圖片）

攝影：林良明

撰文：黃蘊姿