【無品居民】晾衫架「天降」用過衛生巾勁嘔心 樓下男住戶大呻：差唔多每月一塊

亂棄個人衛生用品等垃圾違法之餘，更是有欠公德！寶琳一名街坊指日前在窗外晾衫架上，發現一塊疑似用過的衛生巾，並指「天降」衛生巾的情況幾乎每個月發生一次，但由於不清楚是哪一層住戶所為，除了向有關部門投訴之外，基本上束手無策，大感無奈。

一名男網民昨日（11日）中午在Facebook群組「將軍澳主場」中發帖，表示自己居住在寶琳，日前發現屋宇窗外的晾衫架上，竟「天降」一塊疑似用過的衛生巾，令他大感崩潰，惟他指有關情況其實已非首次發生，

「其實都唔係第一次架啦！差唔多每個月就有一塊！」

{{hket:inline-image name="102414161_10158303814538446_6008914257640596196_n.jpg"}}{{/hket:inline-image}}

樓主發現窗外晾衫架上，竟有「天降」衛生巾。（「將軍澳主場」Facebook）

他其後表示，由於不知道衛生巾是哪一層的住戶扔下來，因此除了投訴之外，基本上處理無門，遂發文向一眾網民求助，

「除咗投訴同埋希望佢快啲到更年期之外，我仲有咩可以做？」

不少網民紛紛大呼「好嘔心」，咁變態都有嘅」、「啲人真係冇公德心」、「好變態，係咪屋企冇垃圾桶」、「叫管理處上嚟影相，跟住貼喺大堂，畀佢自己睇吓好冇功（公）德」。亦有街坊分享苦況，「我樓上都成日掉煙頭落來，仲要係未熄火的」、「本人（住）厚德嗰面，仲要居屋，住高層，樓上都有M巾掉落嚟，搭篷又話唔畀，惟有用窗框自製篷」、「我呢度係上面成日扔啲廚餘落嚟，又臭又唔衛生，乜都扔落街，真係痴(黐)線」。

{{hket:inline-image name="102406221_10157680273599263_2144363173517615162_o.jpg"}}{{/hket:inline-image}}

另有街坊指上層住戶經常把廚餘掉落樓。（「將軍澳主場」Facebook）

每朝索取《晴報》：精明生活．健康家庭．娛樂資訊

撰文：蘇麗儀