無綫前體育新聞主播伍家謙在4月榮升爸爸，太太Betty誕下龍鳳胎思行及思齊。新手爸媽兩個照顧一對仔女忙到踢晒腳，伍家謙自言做了爸爸後，忙於幫BB餵奶、掃風及換片，每天合共只能睡三至四小時︰「仲要係拆開六次嚟瞓。」而他繼早前得到「星級陪月」拳王曹星如（Rex）出手相助後，日前就請得舊同事及前新聞主播鄭萃雯嚟幫手。相中鄭萃雯抱起晒呢對龍鳳胎，齊齊望鏡頭，畫面真係好有愛！
今年4月兩人喜獲龍鳳胎，並取名為思行及思齊。(圖片：伍家謙IG)
伍家謙自言做了爸爸後，忙於幫BB餵奶、掃風及換片，每天合共只能睡三至四小時︰「仲要係拆開六次嚟瞓。」(圖片：伍家謙IG)
新手爸爸不容易！(圖片：伍家謙IG)
相關新聞：【前體育主播】40歲伍家謙正式榮升做爸爸 疫情下宣布喜迎龍鳳胎
早前伍家謙在IG post他與Rex各抱一個BB的合照，寫道︰「新陪月今日返工喇，手勢幾好，做嘢又有交帶。」網民紛紛留言，笑指曹星如抱B的手勢比伍家謙更好、「唔好得罪個陪月，我怕你鼻都扁埋 」、「就請佢做多一個月la」。
早前有「星級陪月」拳王曹星如（Rex）出手相助照顧伍家謙的仔女。(圖片：伍家謙IG)
尋日一對仔女兩個月大，而今次就有好友鄭萃雯幫手，她自己本身有對孖仔，相當有經驗，幫伍家謙湊一對仔女自然手到拿來、駕輕就熟。相中鄭萃雯抱起他們，更齊齊望鏡頭。伍家謙更「呷醋」指：「同我影都未試過兩個一齊望鏡頭呀。」
(圖片：伍家謙IG)
伍家謙留言笑道：「姐姐要返九龍喇！我哋全家上下都好唔捨得佢。佢話因為要照顧自己對BB所以唔續約喎😭誠意推介呢個本地完約姐姐，豐富湊孖B經驗，流利廣東話，識煮中餐，做嘢爽手兼老實，從未試過用我地址借錢，放假可放Weekday，保證做完合約先走🤣又指：「認真番，多謝 @karen_n_twins 姐姐嚟探佢哋，仲幫手餵咗餐添。(下次如果可以餵多幾餐就更好嘞)」睇嚟呢位「姐姐」已經融入家中，可惜「唔續約」，令伍家謙一家非常不捨！
伍家謙一對仔女好可愛。(圖片：伍家謙IG)
現年34歲的鄭萃雯，畢業於香港浸會大學傳理學院廣播新聞學士。在2006年加入無綫新聞做實習記者，之後在無綫收費電視新聞台/無綫互動新聞台擔任主播。她又曾擔任《天氣報告》、《新聞提要》。《香港早晨》、《午間新聞》及《晚間新聞》的主播。2016年獲晉升為採訪主任，1年後離巢，與無綫結束11年賓主關係。
(圖片：網上短片截圖)
在2011年鄭萃雯與任職攝影師的男友Anson結婚，並於5年後元旦日誕下孖仔卓言與卓喬。鄭萃雯曾在訪問中表示為了家庭辭去主播一職，在事業和家庭作出平衡。「自從我離開記者崗位後，我可以有更多時間湊仔，work-life balance有很大進步。」鄭萃雯現在專注湊仔之餘，亦有時間放在事業，如擔任主持、司儀等工作，盡量做到work-life balance。
(圖片：鄭萃雯IG)
(圖片：鄭萃雯IG)
(圖片：鄭萃雯IG)
(圖片：鄭萃雯IG)
鄭萃雯不時與好友聚會，聯絡感情。(圖片：鄭萃雯IG)
相關新聞：【感情深厚】張文采同好友開party慶生 昔日TVB新聞主播近況逐個數
撰文：林惠珊
責任編輯：楊安莉