【生日中獎】梅酒飲出玻璃碎壽司店懶理投訴 壽星仔慨嘆︰莫非我哋條命好平

外出用餐最怕食物出現不明異物，誤食落肚隨時造成危險。一位男網民日前於一間連鎖日本壽司店用餐時，發現梅酒中竟有玻璃碎，遂向店方查問。然而，該店負責人卻表示是「原裝酒」，所以不清楚，又叫事主如要查詢可以「放上」Facebook，處理手法讓事主震驚。

該名網民昨日（7日）於Facebook群組「香港突發事故報料區」發文，表示當時他正在一間香港連鎖壽司店用餐；惟飲梅酒時，卻赫然發現酒內有玻璃碎，遂向店員交涉。然而，其中一名餐廳男負責人回應時卻指「原裝酒不清楚」，又叫事主「如有查詢請放Facebook」，回應令事主感到錯愕，

「咁我食緊其他嘢點算呀，大佬呀我今日生日緊喎。」

事主投訴 不滿店員冷處理 

事主續指，其後又有另一名女負責人上前交涉，對他表示如有需要叫救護車，餐廳會全權負責所有醫療費用，讓事主不禁慨嘆「莫非我哋條命好平」。事主認為，店員應該檢查清楚是否在開梅酒或處理程序出現問題，而非建議客人自行在網上處理，

「所以我同佢講，杯就冇表面冇嘢。現場你可以加熱水溶咗啲冰再隔渣，就睇下有冇玻璃碎咪知囉。」

其後，事主就事件向該餐廳Facebook及發電郵查詢，店方回覆時表示建議事主「盡早到醫院檢查一下，會放心些」，並強調非強制，又表示如果事主方便，店方願意派人陪同檢查。

事件引起討論，有網民為事主抱不平，認為餐廳需要找出源頭，「啲杯有無崩......啲冰會唔會源頭......洗碗嗰位有無打爛過嘢......源頭完全唔搵下喎」、「發現外來物可以報食環」、「負責人希望你可以盡量搞大佢」。但亦有網民認為事件非店家責任，「其實原裝酒真係未必關佢哋事喎」、「打爛玻璃周圍飛呀，有時好難發現到」。

撰文︰劉紀瑩