【破壞環境】橋咀島石灘非法摸魚掘螺斷正 3位大媽：執返條死魚都唔畀？

位於西貢區的橋咀島為香港世界地質公園，每逢周末及假日都會吸引大量遊人前往，惟日前有市民發現3名大媽疑在島上石灘於非法摸魚掘螺，遂上前直斥其非，未料對方反駁稱：「我喺度執返條魚都唔畀拎咩？死咗㗎喇！」事主對無力阻止感無奈，又感慨其他遊人冷眼旁觀，無人出聲幫忙阻止。

一位女網民昨日（2日）於Facebook群組「香港突發事故報料區」發文，指其居於西貢的女友人近日到橋咀島遊覽時，遇見3名疑似來自內地的大媽，於石灘摸魚掘螺，並打算把「豐富收穫」拿回家。由於橋咀島屬保護區，石灘已設有指示牌，列明「切勿帶走任何岩石、化石及生物」，其友人遂上前直斥其非，要求她們把海產放生。

大媽拒認捉魚掘螺

惟其中一名身穿桃紅色上衣的大媽辯稱：「我喺度執返條魚都唔畀拎咩？死咗㗎喇！」女事主再指她們掘走一袋「蠔」，大媽再次反駁：「嗰啲唔係蠔，係螺仔嚟㗎」，女事主聽後無奈再問：

「咁啲螺仔咪係生物囉，咁咪應該放返佢哋落海囉！你識唔識咩叫生物啊？」

女事主向大媽解釋，橋咀島的生物是供遊人觀賞，又以小朋友挖蜆為例，稱他們挖蜆後都會把蜆放回原地，而非拿回家自己享用。惟大媽再反駁「你又知我會拎走？一係你就跟我走啦！」

眾遊人冷眼旁觀 網民嘆同樣可恨

發帖者表示，其女友人當時獨自勸說大媽，甚至對罵，但附近遊人均只是「眼望望」，無人開聲幫忙勸阻，令她深感無助，感慨謂：

「大媽固然可恨，冷眼旁觀嘅人更可恨。」

大媽行為惹起網民憤怒，有人則建議：「你話佢知要罰錢，上碼頭就有人拉佢，佢就可能會放。以前都我勸唔少，唔會理你，講到錢就會精神。」

橋咀島屬香港世界地質公園之一，受到《郊野公園條例》及《海岸公園條例》等法例保護。而根據《郊野公園條例》26條規定，禁止或限制在郊野公園或特別地區內殺死、獵捕、設陷阱捕捉、騷擾或打擾任何種類的野生動物。凡違反或觸犯該等規例即屬犯罪，可處不超過$5,000的罰款及為期不超過1年的監禁，如該罪行屬持續的罪行，則除就該罪行而施加的刑罰外，可另處每日不超過$100的罰款。

延伸閱讀：

【破壞環境】分享到荔枝莊捉海星挖貝殼攻略 人妻「小紅書」教人煲海星湯蒸蜆【查看詳情】

撰文：賴天兒

責任編輯：黃志宏