【西葡潮什麼】梁芷珮失聲抱病帶觀眾遊馬拉加 全能靚媽遇三大危機反應勁敏捷

靚媽梁芷珮（Christy）的《潮什麼》旅行系列大受歡迎，新節目《西葡潮什麼》播出三集以來大受好評。梁芷珮帶著老公和三個仔女游走西班牙和葡萄牙，介紹好玩景點和美食，觀眾們都目不暇給。最新一集講到他們一家坐的郵輪遇上四個颱風，需要突轉航道到另一個城市馬拉加（Malaga），幸好梁芷珮反應勁敏捷，跟老公一個通宵就處理好新的行程同時照顧好三個仔女，絕對是全能媽咪。

相關新聞：【西葡潮什麼】梁芷珮16歲大仔承爸爸衣缽拍攝 三孩之母弗爆疫市開班做運動

{{hket:inline-image name="uuu.jpg"}}{{/hket:inline-image}}

（圖片：TVB影片截圖）

雖然是即興短遊西班牙港口城市馬拉加，但梁芷珮都好有心思，帶大家慢遊石頭村、白色小鎮米哈斯、紅酒博物館，還有超高性價比的海邊餐廳嘆美食，四個地點都好吸引，完全不似臨時想出來的行程。

{{hket:inline-image name="hgg.jpg"}}{{/hket:inline-image}}

梁芷珮介紹石頭村（圖片：TVB影片截圖）

{{hket:inline-image name="22.jpg"}}{{/hket:inline-image}}

海邊餐廳性價比勁高！（圖片：TVB影片截圖）

{{hket:inline-image name="yt.jpg"}}{{/hket:inline-image}}

仲去紅酒博物館嘆酒（圖片：TVB影片截圖）

第三集節目中梁芷珮面容較往日疲倦，而且聲音沙啞，更是有點接近失聲，並非平日狀態，到底發生咩事呢？事後梁芷珮於社交網開live，解釋今次旅程並不容易，仲話是「最辛苦嘅一次」，當中更遇到不少困難和危機。

{{hket:inline-image name="qq.jpg"}}{{/hket:inline-image}}

梁芷珮開live解釋今集旅程（圖片：梁芷珮Facebook影片截圖）

原來梁芷珮在郵輪第三日已經患感冒，之後更病到失聲：「我隻船勁多人病，好多人咳，我諗係畀人傳染咗，當時又無帶藥，惟有每日狂食維他命c，好在我屋企人，特別係三個小朋友冇被傳染到，而我最後都順利好番。」

{{hket:inline-image name="75450169_3423256324359147_3532568338481807360_o.jpg"}}{{/hket:inline-image}}

梁芷珮今次帶埋3個小朋友去，絕對唔容易（圖片：梁芷珮Facebook）

{{hket:inline-image name="87523914_3767234679961308_8865562881270218752_o.jpg"}}{{/hket:inline-image}}

（圖片：梁芷珮Facebook）

她又稱本身是去另一個城市維戈，但因遇上四個颱風，只好突然轉向馬拉加：「完全冇planing，當時得一晚時間，我同老公完全冇瞓咁做資料蒐集，但郵輪網絡又收得唔好，所以真係好擔心，成件事好crazy。」

{{hket:inline-image name="wq.jpg"}}{{/hket:inline-image}}

（圖片：TVB影片截圖）

而被網友問到節目中的服裝搭配時，梁芷珮亦失笑：「今次啲衫係求其嘅，去之前冇諗過會去馬拉加呢個地方，所以冇帶夠冬天衫，落船又唔知當地咁凍，我又冇時間買衫，所以都著到不倫不類咁，好搞笑。」

{{hket:inline-image name="21.jpg"}}{{/hket:inline-image}}

（圖片：TVB影片截圖）

撰文：羅慧怡

責任編輯：楊安莉