【奇工推介】細公司聘初級文員月薪$7500 要求每周一次「簡單清潔」 被轟離譜：真係搵鬼做

新冠肺炎疫情重創本港經濟，不少打工仔面臨減人工、被迫放無薪假期，甚至被炒失業的困境，難以找到新工作。有網民日前分享求職經驗，指有一間細公司聘請初級文員，開出月薪7,500元的條件，並要求每一至兩周做一次「簡單清潔」。網民得知「簡單清潔」的工作性質後均直斥離譜並炮轟:「真係搵鬼做！」

因為疫情關係，不少公司改為與應徵者以WhatsApp溝通。該名網民昨日（21日）在Facebook群組，分享與涉事公司主管的WhatsApp對話截圖。圖中顯示，對方向他確認求職申請時表示：

「剛收到你的求職信，有關文員的職位，再確定吓：因為這是初級文員，不需要經驗，有在職培訓，所以人工會是7,500元的。而且需要幫忙清潔洗手間，簡單的清潔，只每星期或2星期一次，仍有興趣嗎？」

樓主對此感到難以置信，回覆道：「邊有人請文員要洗廁所㗎，黑工嚟㗎？」對方否認是「黑工」，解釋是因為細公司所以要「一腳踢」，又指自己身為主管都要做清潔，

「我請全部文員新人都願意做清潔的，請放心。冇興趣唔緊要。」

對於主管的解釋，樓主毫不買帳，炮轟道：

「7,500蚊請個文員返嚟同你做嘢都唔夠，仲要洗埋廁所，你真係黑到唔黑工啦！搵鬼做啊？」

{{hket:inline-image name="salary220520203.jpg"}}{{/hket:inline-image}}

該名主管表示，請來的新人全都願意做清潔。（網上圖片）

此事引來網民嘩然，不少人直斥涉事公司離譜，「$7,500？十幾年前？」、「$7,500已經痴(黐)線！仲要洗廁所」、「真係搵鬼做！」、「$7,500洗埋廁所咁不如直接去洗碗啦！起碼都萬幾蚊人工」、「你問佢洗(使)唔洗(使)通埋渠？」、「好心就唔好學人請人啦，冇錢學咩人請伙記， 自己做埋佢算啦，仲叫人洗廁所」、「算吧啦，一般文職起薪點都過10K 啦，真係搵人笨」。

不過，亦有網民認為涉事公司沒問題，「兩面邏輯，我公司係一人經營，私人廁所，我請同事工作，一係佢返工一係我返工，所以要求係用廁後自己清理，係非常合理。」

責任編輯：李凱晴