【家庭悲劇·下集】忤逆妹搶腦退化父屋契入屋擄人 姐姐交代爭產風波下文：希望你會懂事

一名女子日前在網上淚訴妹妹一直拿取病母及老父的生果金及殘疾津貼，在媽媽離世後更欲清空父母銀行戶口，再透支腦退化症爸爸的信用卡，欠下10萬卡數不還，更搶走爸爸的屋契，又一度將對方擄走威脅。她最終成功迫使妹妹現身，親自向老父歸還屋契。對於妹妹的所作所為，她未有追究太多，身為姐姐的她只道：「希望我妹你會懂事！」

該名姐姐上周五（15日）在Facebook群組「Tai Po 大埔」發表千字文後，獲大批網民關心及提供意見，而她亦一直留言更新事態進展。她指哥哥「有少少障礙症」，因而無力解決事件；她擔心妹妹搶走爸爸的屋契後，會利用屋契借「大耳窿」致有人上門追數，又怕對方會賣樓，令她與哥哥、爸爸失去棲身之所。

「我妹聯絡咗我，畀一晚時間我而家叫我del呢個post 屋契就有可能會畀返我。」她表示，妹妹得知事件被公開後威脅她，要求將帖文刪除，又責罵被她冤枉，但她指身邊人都清楚箇中「真相」，

「識我識佢嘅人都知道發生咩事，到有一日佢如果要點樣去解釋、屈返我乜都好，呢一班好朋友同我爸爸，我知道佢哋一定企出嚟指證你係一個咩人。好多嘢我已經冇擺上網，我已經無去到好盡。」

由於生怕妹妹會作出驚人舉動，她只好將爸爸的銀行戶口、信用卡取消並凍結，並向區議員求助。同時她又上傳一段錄音，內容為爸爸親自致電妹妹，要求對方將屋契交回；但最後妹妹向身邊不明人士詢問「可以點呀」後未有回覆。姐姐懷疑有人做妹妹的「幕後軍師」，遂公開向對方稱：

「其實你唔使問隔離嗰位先生點，除非你有其他意圖，啱嗎？我同爸爸已經好清楚簡單要求要畀返屋契我哋，我知你哋睇緊，我都喺度(用)文字同你哋講多次。」

但未料，有家中鎖匙的妹妹竟然變本加厲，上門拍片迫爸爸叫姐姐刪除有關錄音等短片，以及要求對方「講佢（爸爸）畀張信用卡佢（妹妹）用係自願等等」，甚至將爸爸從家中帶走，

「我而家喺屋企附近搵緊我爸，事緣我入房換件衫，聽到開門聲衝出去已經唔見咗我老竇，我妹帶走咗我爸唔知去邊、唔聽我電話，我報咗警。」

其後姐姐再更新情況，指妹妹「反客為主」，聲稱將爸爸帶去警署備案，因此她只好趕去大埔警署了解情況。

最後事件峰迴路轉，妹妹終在上周六（16日）晚親手將屋契交還給爸爸。姐姐未有多加解釋妹妹為何會「回心轉意」，僅表示：

「每個人都會犯錯，包括我自己細個都有頑皮過。之後有同阿妹傾過，希望我妹你會懂事，最後條路選擇點行係靠佢自己揀，做家姐我已經盡咗力。」

延伸閱讀：【家庭悲劇·上集】忤逆妹透支腦退化父信用卡搶屋契 姐姐長文列3大惡行淚勸收手【查看詳情】

責任編輯：李凱晴