處境劇《愛回家之開心速遞》昨晚「拒絕誘惑」，在劇集中3年來一向都「Dry爆」的Rebecca（沈可欣飾）終於開齋遇到小鮮肉，對方不單只向Rebecca噓寒問暖，更處處細心呵護，遠比未婚夫鐵面陳（王致狄飾）體貼得多。監製特別找來林俊其飾演今次小鮮肉的角色，一向被指似足王浩信的他，角色名字改為「藍浩信」，英文名叫Signal（網友為王浩信改的花名），夠晒玩味。加上劇情中，Rebecca心情有如小鹿亂撞，擔心自己精神出軌傷害鐵面陳，欲拒還迎，最終才得悉藍浩信只因為她跟死去的媽媽「撞樣」，令他大有親切感才主動認識，後來更認Rebecca做「契媽」，一班好姊妹聽畢即時笑到碌地。
相關新聞：《踩過界II》林俊其同港姐冠軍陳曉華傳緋聞 太似王浩信新劇靠一招免撞樣
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：沈可欣IG）
(圖片：沈可欣IG）
(圖片：沈可欣IG）
呢個畫面，最好睇係左邊笑到傻嘅女同事。(圖片：《愛回家之開心速遞》電視截圖)
其實林俊其外表似王浩信，所以他2018年藝員訓練班畢業之後，有當過浩信的替身，又或者演浩信的年輕版，兩人已經多次碰頭兼合照，望落真的非常相似，比王浩信的親弟更似樣。近日開拍《踩過界II》時，「兩兄弟」再次同劇合作，雖然同樣是律師，不過林俊其接受《晴報》訪問時曾經表示為怕撞樣，公司刻意要求林俊其架上無鏡片眼鏡，非常搞笑。
相關新聞：《愛回家》Rebecca曾經係廣播道Fans 沈可欣獲DJ驚喜送偶像聲帶打氣
劇集出街後，網友大讚非常搞笑，特別是一句：「契媽」，實在是神來之筆。網友留言如下：
「 今集好好笑，最尾講咁你咪我契老豆，笑死，Btw 藍浩信好似王浩信」
「 一聲契媽再一聲契爸爸……笑到我抽晒筋呀！愛回家……收視高，很值得而也會永遠支持」
「佢叫藍浩信巳經好笑，重要扮到咁似。」
「裡個藍浩信，我記得佢搗亂『好爸爸』，拍戲要過馬路，唔知出現過兩集定三集，已經發覺佢，以為係王浩信細佬，真係好似」
網友們都大讚林俊其似足王浩信，又讚劇情非常抵死惹笑，絕對是非常成功的一集。模特兒出身的林俊其今年剛滿24歲，比王浩信年輕13年，前途無可限量。林俊其接受《晴報》電話訪問，他表示：「多謝大家鍾意琴晚嗰集《愛回家》，又鍾意藍浩信，主要係多謝Rebecca（沈可欣）前輩帶動到成集氣氛，大家睇得開心，同埋令大家對藍浩信呢個角色留下深刻印象。其實收到要演呢個角色時真係好開心，因為今次係一個比以往相對重要嘅角色。我仲係一個新人，做得未必係太完善，多謝監製林建祥同導演A仔都有幫我好多，等我可以拎到一次好好嘅演出經驗。」問到會否刻意扮王浩信，增加角色的趣味，林俊其表示：「其實監製叫我做返自己，不過好神奇，身邊好多朋友同同事都話我無論小動作同表情，都係同前輩王浩信好似，可能係一個緣份，希望將來更多機會可以展現另一面嘅我。」
呢個係林俊其。（圖片：林俊其 IG )
呢個係王浩信 (圖片：王浩信IG )
呢個都係王浩信。(圖片：王浩信IG )
呢個係十幾年前嘅王浩信。(圖片：東星娛樂)
責任編輯：楊安莉