【家庭悲劇·上集】忤逆妹透支腦退化父信用卡搶屋契 姐姐長文列3大惡行淚勸收手

為人子女者理應孝順父母，但一名女子今日（15日）在網上撰寫千字文，淚訴妹妹一直拿取病母及老父的生果金及殘疾津貼，在媽媽離世後更欲清空父母銀行戶口，再透支腦退化症爸爸的信用卡，欠下10萬卡數不還，更剛發現爸爸的屋契遭妹妹拿走，擔心妹妹會賣掉物業，令她與哥哥、爸爸失去棲身之所。她希望妹妹念在父母養育之恩早日收手，「我地全家都走投無路，感覺唔知點算！」

妹妹拿取父母所有錢

「對唔住，我係一直喊住打呢篇嘢……」該名姐姐今日凌晨零時許在Facebook群組「Tai Po 大埔」發文，指爸爸年紀已經好大，初步確診腦退化症，患病的媽媽亦於數月前離世。而妹妹則早已離家在外自住，但一直拿取病母及老父的生果金及殘疾津貼，

「係早幾個月前，我仲發現(妹妹)用我媽咪嘅名，去恒生銀行想借一筆錢，好彩我發現咗即刻制止。呢個時候我阿媽係瞓喺病床冇哂知覺......你點解講得出，話媽咪應承你？」

妹妹完全不理媽媽身後事

姐姐續指，至媽媽離世後的身後事，妹妹完全不予幫忙，「身後事一蚊都唔肯畀，都冇去幫過手。我爸唔識處理，我去處理所有事，對我來講係人生最大壓力最痛苦嘅時候。」至媽媽出殯後，當殯儀公司欲將死亡證給她時，妹妹更一直想要搶走。

妹妹透支爸爸信用卡欠債兼偷屋契

由於怕妹妹會對爸爸出手，姐姐遂幫爸爸收好身份證，未料妹妹上周竟又哄騙爸爸去補領；而且，沒有工作的她又擅自拿取爸爸的信用卡透支，欠下10萬卡數不還。至昨日，她赫然發現妹妹將爸爸的屋契拿走，又不肯接聽電話，令她瀕臨崩潰邊緣，「屋企咩都畀你拎晒，咁大個人拎哂爸媽血汗錢買車，你話你出面喺林村住要有架車先方便，但呢啲錢本身係畀媽咪買輪椅同藥，你知唔知你拎走晒，佢哋煮飯為咗慳，我哋成日食罐頭例如午餐肉、魚同水蛋！」

{{hket:inline-image name="money150520205.jpg"}}{{/hket:inline-image}}

妹妹擅拿爸爸的信用卡透支，欠下10萬卡數不還。（「Tai Po 大埔」圖片）

她擔心妹妹會利用屋契借「大耳窿」，又怕對方會賣樓，令她與哥哥、爸爸失去棲身之所，

「我哋好驚連層樓都無埋，幾驚唔知會唔會有人上門……我地全家都走投無路，感覺唔知點算。爸爸已經（喺）媽咪走咗（後），身心都變好差。」

姐姐淚勤收手：始終爸爸同媽咪養大你

她續指，自己已對妹妹給予一次又一次機會，可惜對方每次都不知悔改，變本加厲不停「想搞我哋」。她希望妹妹可以顧念親恩，早日收手，

「你收手啦，畀返屋契你爸，畀佢晚年好過吧。做人積返陰德，始終你爸爸同媽咪養大你，佢哋真係最錫係你，佢哋真係無欠過你！」

她又指出，因為曾答應媽媽，因此她「一定要好好睇住老竇」，而且，這亦是為人子女的基本責任，

「我一定會守住呢個屋企，不惜任何代價！做人至少要有良知同孝順！」

責任編輯：李凱晴