【叫外賣】母親節叫外賣全家乾等五個鐘 餓足全晚食物無到過「最憤怒母親節」

新冠肺炎疫情尚未止，不少人會減少外出改叫外賣，惟遇上節日，等候時間難免會延長。一名女士指昨日（10日）母親節一家人打算叫外賣，並已「醒目」地早於下午約5時落單，未料外賣至晚上10時仍遲遲未到，最終在落單5多個小時後始知被人「Cut單」，令其大感不滿，過了一個「最憤怒的母親節」。

一位女網民昨日在網上討論區以「憤怒的母親節晚餐（純呻）」為題發帖，表示昨日適逢母親節，一家人為免母親要辛苦下廚，但又不想外出用餐，遂打算打電話叫Pizza外賣。事主表示由於預計當日叫外賣人數眾多，故於下午約5時便提早落單，並預計食物會於晚上8時半送到。

未料食物一直遲遲未到，事主於9時決定打電話到餐廳「追單」，卻沒有職員接聽，直至晚上9時半，全家人已開始不耐煩，但店方仍然無人接聽，只好先食原本為母親節飯後甜品的蛋糕「頂吓肚先」，事主形容，

「外賣熱綫一樣忙綫，開始望窗同喪打電話，直到10點，再打埋投訴熱綫，點知係非工作時間。」

一家人苦等至晚上10時半終於「死心」，決定各自歸家，事主母親更表示，既然家人都已「各散東西」，就算食物隨後送到也不打算收下，未料就在事主歸家途中，竟接到餐廳來電表示由於「內部問題」，無法為他們送餐需要「Cut單」，令樓主大感憤怒，

「嘩真係仲嬲過最後11、12點先送嚟！母親節一家人等咗佢咁耐，係送唔到張單到點後（點餐後）最多半個鐘你都要通知個客，打電話又唔聽，最後晚餐冇食到仲要返屋企煮公仔麵，真係！」

事主認為，節日期間應該不只他們一個「受害者」，不然外賣熱綫「應該唔會打唔入」，估計當時亦有多名客人在「追單」，樓主不禁在帖文中慨嘆，

「只係估唔到最後佢會直頭冇嚟......唔知有冇人同我一樣咁慘？」

不少網民看到帖子後，均認為涉事餐廳「真的很離譜」，留言表示「除非你自己去攞，唔係嘅話，假期特別日子嗰啲真係唔好嗌（外賣）」、「嘩，真係會好嬲」；但亦有網民認為樓主的做法不可取，「母親節一定多單，仲要選送貨係不智的，點解唔自取呢？」；另外，亦有網民分享自身經驗，表示身同感受，「節日一定唔好叫佢，我都試過，好彩係平安夜送到聖誕日，揸車過去買燒烤包同炭，BBQ到佢1點幾送來，以後寧願落咗單自取都唔好等佢送來」。

撰文：蘇麗儀