【恐怖外傭】驚揭被外傭用牙刷擦馬桶污漬 港媽崩潰︰已經刷咗兩次牙！

不少人都指「好姐姐難求」，如果遇到「極品外傭」，相信不少僱主都會為之頭痛。一名港媽日前發現家中印尼外傭姐姐，竟然疑似用其牙刷擦馬桶污漬，令她為之崩潰：「我前晚尋日共刷咗兩次牙！」

{{hket:inline-image name="tooth070520203.jpg"}}{{/hket:inline-image}}

港媽指出，牙刷左邊正常沒痕跡，但右邊膠邊卻被刮花及刷毛全鬆。（「外傭僱主必看新聞訊息」圖片）

該名港媽在Facebook群組「外傭僱主必看新聞訊息」發帖，指家中印傭已來港工作20年，在她家則工作了一年半。周一（4日），她吩咐姐姐擦馬桶內邊位置的污漬，

「剛剛先發現我支牙刷啲毛某個位鬆晒，個牙刷邊花哂，牙刷新用無幾耐。而且點刷都唔會個邊花到咁。度過馬桶邊位，啲毛鬆嘅位係好吻合。」

而最令她崩潰的是，她已經用已染污的牙刷刷了兩次牙，

「前晚（4日）尋日（5日）共刷咗兩次牙，尋晚臨瞓先發現，今日（6日）會炒！」

{{hket:inline-image name="tooth070520204.jpg"}}{{/hket:inline-image}}

港媽指出，牙刷的損毀痕跡與擦馬桶內邊位置的動作吻合。（「外傭僱主必看新聞訊息」圖片）

她其後補充道，已於周三（6日）下午賠錢「送走姐姐」。她指出，自己一直以來都沒有牙齒刮花牙刷的問題，「舊牙刷唔見會花到咁，亦唔會只有一邊刷毛鬆晒」；而且，自己亦有提供用品予姐姐使用，「有廁所刷放馬桶旁邊，亦有另外比擦佢做家務用。」

對於與姐姐一直以來的相處，她指表面不算差，但「大家心有芥蒂，表面就大家都客客氣氣」，「初初嚟頭一星期佢好好，我亦對佢好好，除咗一般日常用品，潤唇膏、hand cream之類都送埋畀佢。一星期後慢慢開始變，有時黑面、唔應，愈做愈懶……有嘢都盡量忍，但做咗年半，當然有話過佢，好嬲咁鬧都有試過兩三次。平時客客氣氣唔該前唔該後，生日新年比利是咁。」

而在早兩個月，姐姐做曾錯事後講大話「斷正」；不過在姐姐央求下，她心軟下決定再給機會。因此，雖然今次姐姐否認偷用牙刷擦馬桶，但她並不相信，「佢點都話無做過，我話我唔會再信你……我問佢點解釋支牙刷變成咁？佢話唔知。」

{{hket:inline-image name="tooth070520205.jpg"}}{{/hket:inline-image}}

港媽指出馬桶內邊有一個個洞，懷疑因而令牙刷膠邊被刮花。（「外傭僱主必看新聞訊息」圖片）。（「外傭僱主必看新聞訊息」圖片）

網民分享類似經歷：牙刷又臭又濕仲有啡色漬

此事引來網民熱議，不少人留言指樓主有「偵探頭腦」，「睇緊法證先鋒咁款」；又指雖然沒有確實證據，但既然已不信任姐姐，「還是盡早搵嗰新嘅返來啲好」、「留著嗰心病喺度只會令到以後的關係趨於緊張」。

同時，亦有網民指自己亦十分擔心此問題，「講真我一直都好擔心呢啲問題，所以每日朝早當我發現我牙刷係濕嘅我就即刻換牙刷。」有網民更指，自己曾有類似經驗，「我都試過，發現牙刷係臭同濕仲有啡色漬。」

責任編輯：李凱晴