【母親節禮物】不送康乃馨送菊花「似拜山」？ 花藝師教母親節送花3大原則

即將來臨的母親節，是一眾子女向媽媽表達謝意及愛意的日子，不少人均會選擇送花，得體又美觀。不過除了眾所周知的康乃馨以外，其實還有很多花種可供選擇。有花藝師指曾有人為媽媽送上菊花花束，其意味或會令人感覺「不吉利」，但只要媽媽開心亦無不可，並提供3個揀花小貼士，助子女揀選滿分的母親節花束。

提及母親節送花，最常見的是歷久不衰的康乃馨，高級花藝師Agatha接受《晴報》訪問時表示，康乃馨之所以被喻為「母親之花」，是源於母親節的創辦人安娜賈維斯（Anna Jarvis）為紀念逝去母親，籌辦活動時用上其母最愛的康乃馨而來，其花語代表對母親的愛及尊敬。

然而若子女想與眾不同，給予媽媽驚喜及新鮮感，Agatha建議可參考以下3個揀花小貼士：

1. 混合不同花種

Agatha表示，當然可以用康乃馨作為主花，但同時可用其他花作配襯，甚或以其他花做主角，當中以玫瑰花及繡球花為近年的大熱之選，既添新意，亦令整束花看起來更璀璨奪目，

「玫瑰花有傳遞愛嘅意思，除咗係情人節嘅送花之選，亦好適合送畀媽媽表達愛意；而繡球花嘅花語係繽紛、花開富貴、美滿及團聚，有與家人緊密相靠嘅意思，而且顏色選擇多，近年彈起得好快，好多人買。」

{{hket:inline-image name="212_1.png"}}{{/hket:inline-image}}

▲可以混合康乃馨及玫瑰花，表達對媽媽的尊敬及愛意。

{{hket:inline-image name="214.PNG"}}{{/hket:inline-image}}

▲繡球花顏色選擇多，成為近年大熱。

2. 宜選粉色鮮花

Agatha建議可選擇粉色系的花，感覺較溫柔雅緻，既應節亦是大多數媽媽都喜愛的顏色，同時需小心選擇白色及深色的花，以免引起誤會，

「喺母親節送花畀媽媽，通常都係揀偏粉紅色、偏紫色為主色，比較女性化；而按照東方人傳統，最好避免揀白色或者深藍色嘅花做主色，傳統媽媽可能驚『唔吉利』，但用嚟做襯花通常都無問題。」

3. 按媽媽喜好而選才最重要

母親節送花的確有潮流可跟，但每位媽媽的喜好各有不同，Agatha表示子女毋須盲目跟從潮流，只要按照媽媽心意而選，媽媽都會滿心歡喜。她表示曾經有客人買菊花及乒乓菊送給媽媽做母親節禮物，客人的媽媽亦相當開心，

「好多人以為菊花係拜山先會用到，不過菊花嘅花語係清高、高貴，送畀媽媽其實係對佢嘅讚賞，好多比較新潮嘅媽媽都唔介意，甚至乎好鍾意𠻹，最緊要揀啱媽媽心水！」

{{hket:inline-image name="215.PNG"}}{{/hket:inline-image}}

▲乒乓菊外形圓渾可愛，同樣可以成為母親節送禮之選。

常見母親節鮮花花語：

圖片來源：花生花華

責任編輯：賴天兒