【新冠肺炎】酒店檢疫驚見廁所灌滿糞便 港女求助無門：擔心有感染風險

新冠肺炎疫情在全球肆虐，政府要求海外抵港人士需接受14日檢疫隔離措施。其中一名在九龍區某酒店接受隔離的女子，接受藝人鄭敬基拍片訪問時爆料，指客房廁所內竟出現「糞便倒灌」問題，而且更是求助無門，令她感到嘔心之餘，又擔心會感染病毒。

鄭敬基昨日（3日）在其YouTube頻道上傳影片，內容為他透過視像電話，訪問女子「Fly Mun」有關在酒店檢疫的情況。Fly Mun受訪時指出，自己前日（2日）入住酒店後十分疲累，打算早點休息，於是立即洗澡。未料洗澡後準備如廁時，一打開廁所板便被眼前一幕嚇到大叫，

「我見到一個好似『煙花』嘅場面，即係唔係放住嘅，係一個停留咗嘅『煙花』，喺廁所裡面。」

{{hket:inline-image name="hotel040520201.jpg"}}{{/hket:inline-image}}

Fly Mun回憶當時眼前一幕仍然覺得嘔心。（影片截圖）

對於「舊事」重提，她直言很大「壓力」。當時，她因為不敢置信而盯著廁所中物體，

「因為我係到諗，咩嚟㗎呢？因為我係冇諗過，suppose（假設）如果佢係畀人做檢疫……其實酒店都要乾淨㗎嘛……後尾我都睇咗5秒。」

「（酒店）有張紙話畀我哋聽，佢哋而家係冇任何嘅room service，但有任何問題可以打個『0』字。」於是，她蓋上廁板後立即聯絡酒店服務員，詢問能否派人前來洗廁所，但被對方以不能入房為由而拒絕，「然後佢話：『呢個我哋幫唔到你，因為我哋酒店啲喉管係會有倒灌嘅情況。』咁我話：『咁即係點呀？』佢話：『係呀，因為就算廁所洗咗，都係會有倒灌嘅情況出現。』」對方更指「間間房都會有呢個情況」。

最後，她只好自行以「不斷沖廁」的方法來解決問題；而發現座廁灌滿糞便後，她亦只曾去過一次廁所。由於新冠病毒除了透過飛沬傳播外，亦有機會透過糞便等「播毒」，因此令她十分擔心會染疫。她表示，自己將會致電手帶上的電話，向衞生署反映事件。但今日（4日）鄭敬基在Facebook發帖，指衞生署「又唔接電話」，Fly Mun疑似仍然求助無門。

責任編輯：李凱晴