【小心中伏】買$120/2包士多啤梨粒粒發霉 中伏街坊踢爆水果店蠱惑一招

「一兩粒爛都算，一粒都冇得食個下先恐怖！」一位將軍澳街坊日前在區內街市購入兩包「日本士多啤梨」，惟返家後發現整盒士多啤梨「粒粒都爛同發霉」，斥店家疑用「蠱惑招數」令街坊誤買發霉水果，事後亦有多名網民聲稱自己曾光顧同一間水果店「中伏」。

有男網民在「將軍澳主場」Facebook專頁上發文分享，指日前光顧將軍澳厚德街街市的一間生果檔，以120元購入兩包聲稱來自日本的士多啤梨。正當事主打算清洗後食用時，發現一整盒士多啤梨「粒粒都爛同發霉」，遂打開另一盒檢查，發現兩盒均出現同一情況。網民直斥店家刻意將士多啤梨「執位」，把外觀完好的一面朝上，懷疑有意誤導消費者，希望藉其經歷提醒街坊，他形容：

「一兩粒爛都算，一粒都冇得食個下先恐怖，一盒係咁第二盒都係咁，就知間店幾黑心，為左(咗)錢，街坊生意，食物安全都唔理。」

從上載相片可見，士多啤梨以印有日文字的膠紙包裝，裡面的士多啤梨雖色澤紅潤，惟果肉「霉霉爛爛」，甚至出現黑色霉菌。

街坊大吐苦水分享「中伏」經驗

不少街坊紛紛留言大吐苦水，分享在同一店家「中伏」的經驗，「依間我曾經買過白色士多啤梨，趁我俾錢嘅時候換過另外一盒全部發霉！ 跟住我返去理論好多人圍觀佢先至肯退錢！原來咁多人中伏！」、「呢檔嘢我都中過伏，又係靚嘅擺哂喺面，點知底個啲已經全部發哂霉、爛哂」、「曾經係依間買過一次車厘子，望落粒粒都靚，比完錢再喺個袋入面拎幾粒出黎睇大半都係爛嘅，返轉頭同佢問下佢，個阿姐仲粗聲粗氣咁話返我，我叫佢自己望下，佢先話換返幾粒比我，態度好差，貨品質素低、態度差、價錢仲要唔平」。

{{hket:inline-image name="20200423strawberryo1.jpg"}}{{/hket:inline-image}}

兩盒士多啤梨同樣出現發霉情況。(圖片來源︰將軍澳主場@Facebook)

撰文︰劉紀瑩

責任編輯：黃志宏