【「疫」境邊種網購商品最多人買？】排名第一係某樣防疫用品   第二名真係「估佢唔到」

全球係新冠肺炎疫情下，大部分人無法自由外出，多了好多時間「宅」在家中，除咗上網撲各類防疫產品外，亦開始網購各類商品，令網購成為少數受惠的行業之一。據美國電子商貿研究機構報告，原來「宅經濟」令唔少網購商品銷售量大增，有一樣仲出在乎意料勁升超過6倍，同場仲加映「跌得最甘」網購產品排名。

排名結果與「宅經濟」大致吻合

美國電子商貿研究機構Stackline最近發表報告，分別列出100種自疫情以來「銷量上升幅度最多」同「銷量下跌幅度最大」嘅商品排名。排名結果大致與目前「宅經濟」趨勢吻合，即一系列家居生活必需品例如即食食品、紙類製品、清潔用品等銷量有顯著升幅，但亦某幾樣有受歡迎商品令人驚喜。

{{hket:inline-image name="0415WLfeaturepage280.jpg"}}{{/hket:inline-image}}

先講受歡迎商品，第一名竟然不是口罩而是即棄膠手套（報告只統計美國，可能美國人不太喜歡戴口罩），不過都是「正路」防疫用品，升幅670%。至於排第二就竟然係麵包機，銷量勁升652%，但諗深一層其實都可以理解，因為食麵包對於外國人來說，就等於中國人食飯一樣咁重要，當超市同麵包店缺貨，就索性網購麵包機自己焗包食，所以連帶麵粉（升238%）同烘焙材料（升160%）都有不俗銷量。

外國人鐘意運動，但無得出去做Gym，於是網購重量訓練器材銷量亦升超過3倍，可以在家進行鍛鍊，至於另一樣同運動有關嘅乒乓球裝備亦升89%，都屬於可以在室內進行的運動。

邊項商品跌得最甘？

{{hket:inline-image name="0415WLfeaturepage281.jpg"}}{{/hket:inline-image}}

另一邊廂，受疫情影響跌得最甘商品方面，旅行/公幹必備嘅行李箱同公事包就排名首兩名，銷量雙雙下跌77％，至於其他同旅行/戶外活動有關嘅商品都跌唔少，例如數碼相機（跌64%）、鏡頭（跌47%）、女性泳衣（跌59%）同太陽眼鏡（跌43%) 。而外國家庭常備嘅露營用品同高爾夫球棒等裝備，銷量都分別下跌39%及33%。

編輯：唐婉琦

接收全方位穩健財富管理資訊，請讚好「健康財富 Wealthy Life」Facebook：https://fb.com/Wealthylifehk/