【機場特警】鄭俊弘操肌拍主題曲MV拒剝衫 留待演唱會益歌迷

鄭俊弘（Fred）日前為劇集《機場特警》主題曲《血淚的磨練》拍攝 MV，歌詞講述要實現理想就必需經過考驗與磨練，並歷盡血和淚的過程，或者會令眼前的路變得模糊，但只有衝得過這難關的人才可以完成目標。為配合歌曲堅定及艱辛緞練的信念，導演安排Fred到健身室拍攝MV，不過Fred昨日接受《晴報》電話訪問時，坦言自己骨架細不能操得太大隻。

相關新聞：【法證先鋒IV】鄭俊弘認曾唔識做戲 仲險毀星途 大眼媽咪keep得好上節目搶晒鏡

{{hket:inline-image name="IMG_9365a.jpg"}}{{/hket:inline-image}}

（圖：星夢娛樂）

Fred 謂：「首歌係想表達要有堅定嘅信念，自己唱過好多呢種有節奏嘅歌曲，原來作曲人張家誠點名話呢類有拍子又充滿活力嘅歌曲好適合我唱，覺得好充滿正能量，好開心佢滿意我嘅演繹方式。」

{{hket:inline-image name="IMG_9276a.jpg"}}{{/hket:inline-image}}

（圖：星夢娛樂）

{{hket:inline-image name="IMG_9230a.jpg"}}{{/hket:inline-image}}

（圖：星夢娛樂）

導演知道Fred好鍾意做運動，就取材在健身室拍攝，要拍出一種艱辛鍛練的感覺，而最大的對手就是要打倒自己的心魔。 拍攝時Fred完全認真投入去做健身，而且好熟悉各種器材的操作方法，Fred表示：「其實最近忙於拍新劇，已經少咗時間去做運動，今次就乘機操下，拍MV完全好似做完一日健身，好攰。」

{{hket:inline-image name="IMG_9193a.jpg"}}{{/hket:inline-image}}

（圖：星夢娛樂）

{{hket:inline-image name="IMG_9094a.jpg"}}{{/hket:inline-image}}

（圖：星夢娛樂）

導演本來想為一眾粉絲謀福利，要求Fred在MV中赤裸上身展示大隻的身材，Fred怕羞拒絕：「就算係男人，都唔可以隨便亂除衫，梗係留番演唱會，或者有更重要嘅工作再講，而且事前要有充足時間去操練到滿意先可以。」

Fred昨日本報訪問，他大讚《機場特警》劇情好緊湊又刺激，問他可會想操到好像劇中男演員般大隻？他表示：「我諗我大隻唔到喇，我骨架比較細，如果太大隻個身形比例會好奇怪。如果真係要操，我最想操fit全身，唔會太偏向一邊，例如只操胸肌，忽略咗背肌，咁胸肌好大，背肌又無，就會變咗寒背；如果唔操腳的話，跳又可能會跳唔起，所以全身都要緞練。」至於今次抗拒除衫，Fred強調：「除非拍嗰場戲需要咁做便除，唔會為咗影張相就除衫。」

{{hket:youtube id="7dR9f4hWlfg"}}{{/hket:youtube}}

撰文：倪小珊