【加國確診逼近兩萬】57歲王傑消失半年疫境蒲頭 態度正面鼓勵粉絲人老心不老

新冠肺炎持續肆虐全球，歐洲同美加地區尤甚。加拿大當局最新公布, 累計確診新型肺炎病例有19,279宗, 435人死亡, 比前一日分別增加1,382宗同54人。現年57歲嘅歌手王傑舊年曾上載加拿大新居環境嘅相，似乎喺當地定居，不過就唔知最近有冇因應疫情而到其他地方避「炎」。

{{hket:inline-image name="2.JPG"}}{{/hket:inline-image}}

（王傑微博）

驚喜蒲頭

近年王傑都甚少出現，就連社交網都冇再更新近況，消聲匿跡咗成半年，唔少粉絲都擔心佢嘅狀況。不過今日佢就喺「疫境」下更新微博同大家打打氣：「我老了⋯⋯但是我依然不忘初心！思想依然可愛.....心中依然充滿了愛....艱難時期，大家保重....永遠愛你們⋯⋯ ​​​​」粉絲們都鬆一口氣兼夾非常驚喜，紛紛留言表示王傑喺佢哋心中係長青嘅！

{{hket:inline-image name="1.JPG"}}{{/hket:inline-image}}

（王傑微博）

「擁抱」自己的一切

雖然王傑冇Post新相，不過佢最近一次Post嘅相都可以見到佢滄桑咗唔少。但王傑都欣然接受自己嘅變化，可以話係優雅地老去:「做真正的自己真好！臉上的皺紋，代表著歲月的蹉跎；白色的鬍子，代表著歷練的沖刷人的一生，還有甚麼比追求自我更好？此刻的感覺！老了真好⋯⋯ ​​​​」

{{hket:inline-image name="69b2caably1g1cct34wj7j20zh0v9qb0.jpg"}}{{/hket:inline-image}}

（王傑微博）

面對困境一直積極

90年代憑《幾分傷心幾分痴》、《故事的角色》、《一無所有》等金曲唱紅中港台嘅王傑，曾表示自己被人落毒致失聲，當時佢一生最自豪嘅頭髮仲甩到得番百分之二。嗰段日子佢每日見到鏡中嘅自己都會失控咁喊。

{{hket:inline-image name="69b2caably1g2a2ibq9c4j221h1neb29.jpg"}}{{/hket:inline-image}}

（王傑微博）

因為王傑篤信佛教，所以佢即使知道係邊個加害佢都冇公開，後來更加自己諗通，唔可以因為咁而做「儍事」：「我感謝一些遭遇，我也感謝那些曾經給我很多不堪磨練的人，我沒有怪過他們，我只想告訴那些人，我嗓子現在快好了，我頭髮又長出來了。我就算走到那一天之前，我要讓他們看到一個帥氣的王傑。」

{{hket:inline-image name="cimg_movie_0409_16_xjcgs56.jpg"}}{{/hket:inline-image}}

（2004年《新警察故事》電影截圖）

撰文：黃蘊姿