【你估我唔到】丁子朗玩遊戲誤觸張秀文胸部 張秀文激動彈走：你篤中我啦！

每個星期日TVB都會播放遊戲節目《你估我唔到》，由主持Bob林盛斌與張秀文駕駛着「蠱惑的車」穿梭電視城，即興邀請多名藝員細閱內容包羅萬有的日本短片，再輪流回答「你估我唔到」的刁鑽問題，讓他們絞盡腦汁、各出奇謀，力爭第1、第2、第3等大獎。看一眾藝員參賽者為了贏走終極Made in Japan的神秘大獎，可以去到幾盡。不過最新一集，「TVB小鮮肉」丁子朗突然疑似篤中「宅男女神」張秀文胸部，成為網上熱話。

事緣林盛斌、張秀文於古裝街找來有份合作拍《娛樂大家》的丁子朗上節目玩遊戲。一見面，3個人就攬埋一齊，張秀文蹺着丁子朗的手臂，相當熱情地叫他做「丁丁」，還說：「你一定係掛住我吖，你係嚟睇我嘅，一定係！」不過當林盛斌問他2人中會選擇誰，丁子朗就答：「我心入面想揀阿Bob。」張秀文聽罷蹺得更緊，仲不斷拉丁子朗的左手，搞到他馬上改口：「但秀文咁樣好難拒絕，邊有人拒絕到秀文啫。」林盛斌放棄：「又真係冇可能嘅，揀佢啦。」

{{hket:inline-image name="11.jpg"}}{{/hket:inline-image}}

(TVB電視截圖)

{{hket:inline-image name="12.jpg"}}{{/hket:inline-image}}

(TVB電視截圖)

玩遊戲時，張秀文很投入地低頭用飲管吹氣，搞到對面的丁子朗一臉尷尬，馬上閉眼又遮住自己視線，大叫：「唔得呀！」，仲忍不住站起來暫停比賽，解釋：「我唔好意思望過去。」好有風度。相反林盛斌就笑言：「我完全冇唔好意思」，叫他繼續。但丁子朗依然很尷尬話：「Bob...好辛苦呀望住...」

{{hket:inline-image name="13.jpg"}}{{/hket:inline-image}}

(TVB電視截圖)

接下來丁子朗要睇資料片段答問題，張秀文給提示時掩臉大笑：「我同你都會做！」，林盛斌好好奇問：「試過未？記唔記得有喺節目做過？」張秀文回答：「應該都有嘅。」，丁子朗十分驚訝地說：「呢啲唔好講出嚟，好尷尬。」林盛斌迫他記起：「你同佢做過啲咩，令到大家關係...有啲身體接觸嘅。」

{{hket:inline-image name="14.jpg"}}{{/hket:inline-image}}

(TVB電視截圖)

{{hket:inline-image name="15.jpg"}}{{/hket:inline-image}}

(TVB電視截圖)

後來丁子朗表示自己曾與張秀文一齊跳舞，並即場示範玩手指舞，竟然就意外用手指疑似戳中張秀文的胸部！丁子朗沒有為意，張秀文先驚訝，後激動彈走，掩著胸部大叫：「你篤中我啦！」

丁子朗接受本報訪問時解釋只是一場誤會：「其實我自己都唔好意思，希望唔好令到大家誤會。事後也有跟她道歉，幸好與Sammi friend，大家都明白只是為了節目效果，所以也想觀眾們看得開心。謝謝。」回應與張秀文的說法相同。既然大家玩得投入，觀眾又睇得開心，打和！

{{hket:inline-image name="125.jpg"}}{{/hket:inline-image}}

(TVB電視截圖)

{{hket:inline-image name="16.jpg"}}{{/hket:inline-image}}

(TVB電視截圖)

{{hket:inline-image name="17.jpg"}}{{/hket:inline-image}}

(TVB電視截圖)

撰文：張芷晴