【活得比你好】淚訴丈夫出軌與小三去日本旅行 女子痛斬20年情：會與女兒爭氣

對於女士來說最大的傷害，莫過於揭發丈夫「偷食」。一名女網民今日（3日）發帖，哭訴丈夫出軌，於分居期間更與小三到日本遊玩；在大受打擊下，她無法入眠、終日以淚洗面。但為了女兒，她決心要重新振作、堅強生活，「我會同女兒爭氣，一定會活得比佢好的。」

「有人試過兩日兩夜瞓唔到覺嗎？」該名女網民在Facebook群組「Tai Po 大埔」發帖，指兩日前發現正在分居的丈夫，與「當日拆散頭家嘅小三」，於今年2月去日本旅行7日慶祝生日，「我同佢一齊20年了，因為種種原因，最大部分是經濟問題，從未試過我地兩個或一家三口搭飛機去旅行，最遠一次去兩日一夜既深圳。」因此，這兩天她感到心中「有舊大石壓住」，

「無間斷咁喊，抖唔到氣咁，完全瞓唔到，佢1月嗰時仲同我講無同人一齊，2月生日嗰時就同人去日本，諗起佢個時為咗保護個識咗幾個月嘅小三而鬧我，我就仲嬲。」

她表示明白男人變心後，就算自己再傷心，對方都會無動於衷；因此為了女兒，她會堅強地繼續生活下去，

「我知你（丈夫）有睇大埔group，你而家唔肯面對，block晒我同個女嘅電話，你要避就避一世，以後唔好再出現。」

不少網民看到其帖文後，紛紛留言支持她，「呢啲人唔值得你為咗佢而唔開心」、「呢啲自私嘅男人唔值得你再牽掛佢」、「你要加油，同囡囡生活都可以好精彩」、「過去只係人生嘅點綴，並唔係包袱！不要將別人嘅錯誤來懲罰自己！」、「好好照顧阿囡同自己，佢唔珍惜你，唔洗理衰佬啦！」、「加油呀！男人以後有咩事千其唔好返轉頭搵返老婆同個女呀，搵小四啦」。

對此，樓主感謝一眾網民的鼓勵，表示知道時間是最好的良藥，

「我會同女兒爭氣，唔會再同佢糾纏落去，唔會再為個兩個賤人影響到自己，一定會活得比佢好的！」

撰文：李凱晴