【自私播毒】大叔搭巴士不停除口罩咳嗽挖鼻 目擊者：大力擤鼻涕仲要陰陰嘴笑

新冠肺炎持續肆虐導致人人自危，但仍不時有人作出各種「播毒」行為，惹人側目。一名巴士乘客日前目擊坐在對面的大叔不停將口罩除下，並作出挖鼻屎、咳、大力擤鼻涕等舉動，並指大叔「仲要陰陰嘴笑」，疑似「有心玩嘢」製造恐慌，呼籲其他市民搭巴士時要小心，如果不幸遇上的話切記保持距離。

「想話畀撘74X由觀塘返大埔，大概下午5點幾嗰批嘅乘客要留意！」該名男網民今日（2日）早上在Facebook群組「運頭糖水會」發帖，指出自己在九巴路線74X往大埔方向的巴士上，目擊坐在對面的大叔作出種種惡行，

「全程車程不停將個口罩又除又戴，佢喺車度講咗兩個電話都係將口罩除落圖中下巴位置，更離譜嘅係佢不停喺你面前挖鼻屎、咳、大力擤鼻涕。」

他又指出，大叔以上行為是疑似製造恐慌，「仲要陰陰咀笑，擺明有心玩嘢」。因此，他勸籲其他會搭74X的市民要小心，

「其實附近嘅乘客都見到佢嘅行為面上帶有不滿，如果大家咁唔好彩上車遇到此人，勸大家保持遠距離。」

此帖一出隨即被轉發至其他群組，不少網民炮轟大叔缺德，「家人請認領，要同佢講，唔好做咁缺德嘅行為，因為會有報應」、「74x變播菌車」、「小心呢個危險人物」、「依啲咪就立倒（例）的問題，在酒樓，除咗食嘢時間之外，一定要戴口罩，其他地方就不用！奇怪？」

另有網民指出大叔是慣犯，「我見過佢3次都係做你講嘅嘢！」樓主則回應指「咁佢即係有心做畀人睇啦！」但亦有網民認為，大叔或許是精神有問題才作出異常舉動。

延伸閱讀：媽媽港鐵上埋首玩電話 不替女兒戴口罩放任狂踩座位【附2招消毒鞋底】【查看詳情】

撰文：李凱晴