【完美家庭】陳智燊宋熙年留家抗疫造人成功 曬全家福宣布阿仔榮升哥哥  

宋熙年(Sarah)2016年同陳智燊(Jason)結束愛情長跑拉埋天窗，前年誕下囝囝Damon，一家三口非常幸福。尋日兩公婆再同大家報喜，宣布佢哋要再做爸爸媽媽，宋熙年再度有喜！

{{hket:inline-image name="b.jpeg"}}{{/hket:inline-image}}

(宋熙年IG圖片)

Sarah發文響應呼籲大家留家抗疫#stay for嘅活動，仲畫咗一幅一家三口嘅畫，而佢嘅肚上仲有個心心表示佢正係懷有身孕。Sarah留言表示好感恩多咗一個新家庭成員，仲話依家首要係保持身心健康，話佢哋陳家上下都非常興奮，鼓勵大家保持積極態度，齊心對抗疫症。

相關新聞：宋熙年湊仔兼職KOL月賺6位數 細數8大華姐 位位嫁得好做靚媽

{{hket:inline-image name="bi.jpeg"}}{{/hket:inline-image}}

(陳智燊IG圖片)

而老公Jason亦發文公布好消息：「我很幸運，我有一個完美的家庭，他們使我有力量竭盡全力保護他們，非常感恩我們又將多一位家庭成員。」佢仲祝賀囝囝Damon即將成為哥哥！Jason更表示好感激太太疫情爆發後都乖乖留喺屋企，仲話保證消除疫情後會帶佢去更好的地方。

{{hket:inline-image name="g.jpeg"}}{{/hket:inline-image}}

(宋熙年IG圖片)

Jason報喜之餘都不忘感謝呢段艱難嘅抗疫日子中緊守崗位嘅前線醫護人員、巴士司機、的士司機同郵差等。

{{hket:inline-image name="vv.jpeg"}}{{/hket:inline-image}}

(宋熙年IG圖片)

夫婦二人都未有透露第二胎係仔定女，想保持神秘等大家估吓。雖然再做老竇嘅Jason好開心，不過「疫境」下佗B令佢兩公婆都好緊張，佢話惟有做好自己，留喺屋企。Sarah佗第一胎時Jason咩都擔心一餐，今胎Jason終於放鬆少少，佢話因為上一胎冇經驗，會唔知點樣去幫太太同照顧佢，今次變相佢就可以唔使咁緊張。Sarah接受《晴報》電話訪問，她透露胎兒已經滿3個月，至於今胎係仔定女？她就話要賣個關子，Sarah說：「當然好開心，今次原本心情都放鬆，始於第二次有經驗，但有疫情都特別小心，唔多出街，盡量減低風險，盡量正面啲同埋積極去面對。老公十分之廿四孝，呢段時間多啲家庭樂，照顧Damon，要買嘢同入貨都係靠佢。」

{{hket:inline-image name="gg.jpeg"}}{{/hket:inline-image}}

(宋熙年IG圖片)

{{hket:inline-image name="bh.jpeg"}}{{/hket:inline-image}}

(宋熙年IG圖片)

撰文：黃蘊姿