【最強經理人】霍汶希罕曬8歲女籲留家避炎 一百分單親媽媽事業心嚇怕男友

新冠肺炎近日喺香港嘅確診個案持續上升，唔少藝人都在網上呼籲大家留家抗疫，以免疫情擴散。

英皇高層霍汶希（Mani）為咗傳遞「家中避疫」信息，今日罕有地喺IG Post囡囡嘅近照。Mani素顏同囡囡Honey合照，Honey雖然只係露出半塊面，但都見到佢眼大大兼鼻高高，盡得媽咪靚樣真傳！
Honey手上拎住由佢親手畫嘅作品，以英文寫上：「為了家人、朋友、醫護人員、我們的社區和你，我留在家中！我們全都做到!」上面仲有口罩同彩虹等圖案，好懂事之餘都不失童真！

{{hket:inline-image name="Whatsw.jpeg"}}{{/hket:inline-image}}

(Mani IG圖片)

其實Honey喺兩歲大之後就從來都冇公開露面，事關Mani覺得囡囡已經去到入讀學前班嘅年紀，希望佢可以喺私隱受保護嘅環境下學習同成長。

{{hket:inline-image name="ee.jpeg"}}{{/hket:inline-image}}

Mani甚少畀囡囡樣貌曝光。(網上圖片)

{{hket:inline-image name="22.jpeg"}}{{/hket:inline-image}}

(網上圖片)

雖然可以生BB做媽媽一直係Mani嘅夢想，但Mani當年係同內地商人男友分手冇耐之後發現懷有Honey，心情就變得好矛盾。Honey生父知道Mani懷孕之後想負責任，但Mani清楚知道自己同BB爸爸性格唔夾，唔可以因為咁勉強相處。BB爸爸都尊重Mani嘅決定，最後Mani獨力撫養Honey。Mani直言自己拍過幾次拖都因爲事業心嚇怕人，加上佢媽媽喺感情路亦唔順遂，Mani自細已經唔敢奢望有一個完整嘅家。

相關新聞：單親媽媽母兼父職7年 霍汶希為囡囡跪地叩頭過千次

{{hket:inline-image name="w.jpeg"}}{{/hket:inline-image}}

(鍾欣潼IG圖片)
不過Mani自言有咗Honey之後，佢嘅生命就得以完整，佢亦同時為囡囡改變咗好多：「媽媽同經理人嘅身份其實差唔多，都係要好有耐性、好鍾意自己嘅仔女。不過，我多咗媽媽呢個身份之後，我嘅EQ好咗，個人都溫馴咗好多，以前乜嘢我都會發脾氣，但依家，就算有嘢倒咗落嚟我身上面，我都冇嘢，唔會好似以前咁火。」

{{hket:inline-image name="f.jpeg"}}{{/hket:inline-image}}

(Mani IG圖片)

Mani更加為愛女戒甩廿幾年煙癮，唔止佗阿女嘅時候冇食，到Honey日漸長大Mani覺得自己有責任珍惜自己生命去養育阿女，所以決心搣甩煙癮。

撰文：黃蘊姿