【自私播毒】大叔家中吐痰落街 街坊險中「飛劍」鬧爆：畀少少衛生意識好冇？

新冠肺炎疫情在全球大爆發，人人自危，但本港卻屢屢發生疑有市民「播毒」的缺德行為。有美孚街坊昨日（29日）在網上發帖，指有一名大叔從家中吐痰落街，自己及數名小朋友差點「中招」。

有男網民昨日在Facebook群組「Mei Foo 美孚」發帖，表示一名大叔在位於美孚新邨一單位中，從高空吐痰落街，令他與數名小朋友頭頂險中「飛劍」，

「同啲細路行過爭啲中招，位置係五期平台15座。如果你係佢家人或者朋友的話請幫我XX佢。而家咩時候，畀少少衛生意識好冇？」

{{hket:inline-image name="spilt300320201.jpg"}}{{/hket:inline-image}}

大叔被指在單位中從高處吐痰落街。（「Mei Foo 美孚」圖片）

一眾網民紛留言炮轟涉事大叔行為缺德，「叫佢屋企人問下佢知唔知個醜字點寫！」、「搵人拉佢啦！」、「任何時勢，任何時間都唔應該吐痰落街，掉轉你比人吐中又點呢？」

此外，更有其他街坊留言，指涉事大叔是慣犯，「呢啲友成日掉嘢落樓㗎！上次成個膠樽飛落嚟！」、「早幾日已經見過佢喺五期平台唔帶口罩吐口水/痰落地，周圍仲有小朋友玩緊！」

樓主留言補充，指自己會嘗試將此事通知管理處，希望至少會「出張通告貼喺電梯度」，又呼籲大家「行過附近小心啲」。

撰文：李凱晴