【欠公德心】巴士上除口罩盡情大聲講電話 缺德大媽被乘客鬧自私即黑面

新冠肺炎疫情在全球持續肆虐，人人自危之際，本港昨日（24日）有大媽搭巴士時竟除下口罩大聲講電話；有乘客見到她罔顧公德之舉後，忍無可忍下出聲勸喻。惟大媽未有理會繼續高談闊論，隨後被乘客再次提醒後更「黑面」。不少網民炮轟大媽自私，「毫不知尊重禮貌為何物！」

該名網民昨晚在Facebook群組「Tai Po 大埔」發帖，指自己在晚上7時15分於大埔中心上車，乘搭前往九龍城碼頭的九巴路線75X。期間，他聽到一名大媽大聲講電話，

「講真佢今晚買咩餸我哋完全唔想知，你屋企發生啲咩事非我都冇興趣知，我見暫時未有乘客出聲我都算。」

未料去到黃大仙，他轉頭一望住發現大媽通電話時原來一直除低口罩，令他實在忍無可忍，斥責大媽：

「你當呢到係私家車定的士？冇人想知道你私人事，你除咗口罩有冇理過其他人嘅感受？你冇病冇痛你都唔應該！」

大媽聽後表示「對唔住」，但待樓主落車時，卻再次大聲講電話，

「好彩之後聽到有個叔叔喺度X佢。我都上返去同佢講返句：『尊重他人即係尊重自己』，最後佢黑我面。」

此事引來網民熱議，不少人認為大媽十分缺德，「做得好，樓主，好多這類人都自私自利」、「佢坐喺巴士扶手位，講嘢大聲，如果口水噴晒落扶手落車位置先係最恐怖」、「喺巴士講電話大大聲已經好大問題，仲要除口罩」。另有網民表示撇除除低口罩一事，事實上亦有不少人在公共地方大聲講電話，「呢啲人一街都係，尤其有啲開speaker（喇叭）聽WhatsApp錄音，聽完一次又重複聽多次，仲要開到最大聲！」

撰文：李凱晴