【機艙播毒】返港航班棄置口罩塞爆椅背 目擊者斥缺德乘客：「其他人條命就唔係命？」

為防範疫情，許多人衛生意識於近月顯著提高，惟間中仍難免會有人未能自律。有網民指從倫敦飛香港的飛機航班上，有坐位椅背的儲物位置留下大量用過但未有妥善包好的口罩，除衍生「播毒」隱憂外亦辛苦了一班清潔員工，狠批其行為自私且缺乏同理心。

用過口罩塞椅背 疑為留學生所為

港府昨日（19日）凌晨實施進一步入境管制，限時過後從英美等地入境人士需強制接受為期14天家居檢疫，令大量留學港人急忙回港。今日網上流傳一張相片，聲稱攝於由倫敦希斯路機場前往香港的航班上。相中可見有多個外科口罩塞入椅背儲物位置，疑為乘客所留下。相片亦附有文字批評乘客劣行，

「你條命就係矜貴命，留晒細菌成機都係...其他人條命就唔係命？」

文中又批評相關乘客缺乏自律，稱「平時呻完鼻涕都叫你徒手幫佢掉」，又指飛機坐位椅背其實有紙袋，將用過的口罩隨意亂放恐有播毒危機。

行為缺德 網民紛紛譴責

有網民質疑如何確定口罩是由港人棄置，有人就回覆指班機上全為港人留學生，應不會「怪錯好人」。有人就對類似情況司空見慣，指其他飛機上亦有同樣情況，諷刺稱「香港人真係世界級」。

有人就為清潔員工抱不平，指不少港人以為有人負責清潔就肆意亂丟垃圾，即使椅背本來就有嘔吐袋提供仍不願用作裝起用過的口罩，變相令機艙清潔變成高危工作，力斥「飛機都係畀呢啲冇家教嘅人搞到烏煙瘴氣」。

撰文：鄭禮賢