【疫境見人心】搬辦公室慳租金好老闆逆市加人工 有公司口罩當花紅竟解釋...

新冠肺炎（武漢肺炎）持續肆虐，本港經濟受到衝擊，不少小商戶及公司更因捱不住而裁員，甚至忍痛結業。不過，有良心老闆將公司搬去租金較低的辦公室，將省下來的租金給員工加人工，令員工不禁在網上大讚：「呢個老闆跟得過！」但另一邊廂，卻有老闆大派劣質口罩予員工當「花紅」，令員工大感無奈。

打工仔不快經歷（一）：「no pay」時被要求工作

為了捱過經濟寒冬，不少公司紛各出奇謀縮減開支，包括安排員工放無薪假期。連日來有不少打工仔均在Facebook專頁「奴工處」投稿，訴說疫情時的苦與樂。其中有打工仔大呻，自己被公司要求放10日「no pay」（無薪假期），但在首日假期時，竟在早上8時許接獲上司電話，

「打嚟叫我join（參與）呢個Con Call（視像會議），未瞓醒嘅我躁到極點，忍唔到答：『哈哈，咪玩啦，我no pay緊喎！』上司哦完cut我線，最後成功唔使join。」

打工仔不快經歷（二）：老闆乘機口罩當花紅

另在口罩短缺的時刻，有公司乘機以口罩來代替花紅。有打工無奈地稱：

「腦細唔知邊度搵咗啲劣質印尼口罩返嚟，鬼祟逐個私下派一盒，但其實個個都有。佢話用咗好多錢買口罩，所以今年bonus暫緩！」

打工仔窩心分享（一）：老闆逆市加人工

不過面對經營困難，仍有老闆願意盡力善待員工。有打工仔指出，最近公司為節省經營成本，而搬到一個「環境冇咁好」的辦公室；雖然如此，但老闆卻作出兩個令員工大讚的舉動，

「老闆不但批准我哋要開會時先要返工，仲話因為租平咗，所以大家加人工！鳴！我願意一世做我老闆嘅員工！」

打工仔窩心分享（二）：老闆​​​​​客人面前大​​撐員工

另有打工仔亦大讚「老細好」、「老細勁」，指他們在家工作（Home Office），但有客人仍堅持要上其公司開會，「上司解釋話為大家健康，都係網上會議好啲」；未料，對方竟直接致電其老闆，投訴員工「偷懶」，

「我老細一嘢同佢講，一係網上開一係唔好開，老細仲要同我哋扮返個客講嘢。呢個老細我願意服佢！」

對於有打工仔遇到好老闆，不少網民大表羨慕，「好難搵嘅好老闆」、「樓主前世一定拯救咗地球，遇到個好老闆」；有人更搞笑地稱：「請唔請人呀? 可以PM我！」

撰文：李凱晴