【天生外父相】吳大維53歲喜添「前世情人」 女神收割機被霸氣台妹收服

53歲台灣藝人吳大維上年8月宣布已和拍拖多年的女友結婚，當時接受訪問已經開到口話恨做老竇，仲自嘲年紀大：「如果再不生的話，生孩子就跟生孫子一樣啦！」

{{hket:inline-image name="ww.jpeg"}}{{/hket:inline-image}}

(圖片：吳大維facebook)

{{hket:inline-image name="wwWhatsApwww.jpeg"}}{{/hket:inline-image}}

終於做老竇喇。(吳大維facebook)

尋日佢終於喺自己嘅社交網公布已為人父嘅喜訊：「沒錯!!!!!!!!!!我的前世情人出現了。哈哈哈哈哈哈哈。」女兒英文名為Kadeira。吳大維錫到老婆燶，幫佢精心挑選坐月中心，仲upload咗佢老婆坐月期間食嘅菜餚，真係睇到流晒口水。

吳大維過往情史豐富，有名係女神收割機，曾先後與林熙蕾、徐懷鈺、趙薇等美女傳緋聞，被問到擔唔擔心阿女「誤交渣男」？吳大維即刻「非常外父上身」：「我女兒是1月摩羯座女孩，不怕她交男友啦！有我這個經驗老到的爸爸把關，沒甚麼好怕的，哈哈哈哈！甚麼鬼主意的男生一眼就會被爸爸看穿了。」問到佢會點獎勵太太？吳大維笑說：「我老婆很愛美食啊！就是多帶她去吃好吃的，她就很開心。」

{{hket:inline-image name="gg.jpeg"}}{{/hket:inline-image}}

年輕時嘅吳大維迷倒中港台嘅老中青。(吳大維facebook)

{{hket:inline-image name="ff.jpeg"}}{{/hket:inline-image}}

迷人嘅眼神。(網上圖片)

據知吳大維老婆係同佢交往多年嘅台妹，但佢老婆身份非常神秘，吳大維對老婆嘅中英文姓名均封口唔提，有指其妻係幾年前曾被傳媒影到嘅「短髮女」。

{{hket:inline-image name="f.jpeg"}}{{/hket:inline-image}}

女神收割機都有被收割嘅一日。(網上圖片)

曾承認同林熙蕾交往兩年嘅吳大維就話過，雙方都承認大家當時年紀細冇諗到結婚，冇諗到吳大維最後都浪子泊岸，被霸氣台妹收服，佢曾講笑話老婆「特別兇悍」，被問到係咪好怕老婆人，佢就笑住咁答：「當然怕！」，真係一物治一物呀！

撰文： 黃蘊姿