【新冠肺炎】遊客逼爆坪洲臨走搶購廁紙 居民困擾哀求：勿搶走離島物資

新冠肺炎（武漢肺炎）疫情持續擴散導致人心惶惶，市民除了搶口罩、消毒酒精等防疫物資，更瘋搶廁紙、罐頭、米等日用品及糧食。有市民就連在假日一家大細到離島「鬆一鬆」的時刻，也不放過搶購廁紙的機會！有坪洲居民深受困擾，遂在網上發文譴責遊客的惡行，並勸喻道：「唔搶走離島居民物資唔得嘅咩？」

坪洲手作旗袍店「前舖」的店主，周一（24日）在其Facebook專頁發文譴責遊客的惡行。店主指出，坪洲在剛過去的周日（23日）「塞滿人」，奈何小店連一張10元的明信片都沒人買過，

「香港人嚟離島玩，唔支持小店唔緊要，但可否珍惜我哋居民呢處叫家的地方？明白大家都有經濟壓力，但係，點解你哋要嚟搶走我哋嘅廁紙呢？搶到要call車去中環碼頭接你？」

店主指出，坪洲的貨物要舟車勞頓方可送達，貨運時間比市區更久、貨種也比市區少得多，「但我哋係小社區，街坊都互相尊重、互相幫忙，早前物資恐慌過後再返貨時，大家會留手畀真正有需要嘅街坊買。」然而，遊客卻毫不留情，

「香港遊客你哋嚟享受完我哋自在嘅空氣，在民居間大大聲喧嘩了一整天後，應該已卸下煩憂，帶著感恩的心輕鬆歸家啦！何苦要用搶走街坊廁紙嚟結束行程呢？」

店主續指，遊客的惡行已惹起島上居民的義憤，更有人想發起行動保護家園。對此，店主呼籲道：

「香港遊客：離島也是香港一部分，珍惜這個家，唔好搶爛它！嚟玩乖乖地細細聲玩唔得嘅咩？唔搶走離島居民物資唔得嘅咩？乖啦好心你哋！得唔得啫！」

此事引來網民熱議，不少人炮轟該些遊客十分自私，「這些遊客實在太過分，破壞環境並且沒有顧及別人」、「同上水水貨客行為無分別」、「自私自利，乜都搶，製造恐慌混亂。疫情期間大家要守互相助，唔好乜都去搶。」、「公民素養好重要！麻煩真係做返好，唔好再盲搶，擾民，同埋行山亂拋垃圾！」

撰文：李凱晴