【仨心友行】陳凱琳憶患抑鬱瞞住媽咪激動爆喊 婚後嘉穎為她體貼做一件事

陳凱琳（Grace）昨晚在節目《仨心友行》中表露出感性的一面，其中一夜她跟陳敏之、高海寧和楊明一齊在海灘把酒談心，提到大家最想回到過去的那一個時刻，Grace悲從中來想起大學二年級時的經歷，她一邊講一邊落淚：「當時有情緒問題，我有一類型的抑鬱，呢個情況令我好難康復。父母當時好放心我同細佬喺加拿大相處讀書，佢哋兩個就返香港陪婆婆同嫲嫲住。我選擇隱瞞唔同佢哋講（病情），直至媽咪返加拿大，第一眼見到我就知唔妥，佢先知原來我每日打電話畀佢話好開心，其實都係呃佢。」

相關新聞：入屋攬老婆定個仔先？鄭嘉穎笑稱「轉行」做陪月

{{hket:inline-image name="g2.jpg"}}{{/hket:inline-image}}

 (圖片：《仨心友行》電視截圖)

{{hket:inline-image name="g3.jpg"}}{{/hket:inline-image}}

 (圖片：《仨心友行》電視截圖)

{{hket:inline-image name="g5.jpg"}}{{/hket:inline-image}}

  (圖片：《仨心友行》電視截圖)

{{hket:inline-image name="g4.jpg"}}{{/hket:inline-image}}

 (圖片：《仨心友行》電視截圖)

Grace直言自己做媽媽之後，完全想到當時媽媽的那份心情，令她非常內疚，她淚流滿臉說：「認識我嘅朋友都知我同媽咪感情好好，所以我呃佢嗰陣我好內疚，依家做咗媽咪，如果將來個仔咁樣對我，我都唔知點算...我唔想佢唔開心，甚至嚴重到成為一個病嘅時候，我先知道。」同場的高海寧是同道中人，哽咽表示曾經因為入行後受負面新聞影響而患上抑鬱。陳凱琳接受《晴報》電話訪問，她表示情緒病起因是不快的回憶，自己不想多提。

相關新聞：【情人節】可愛Rafa仔一歲生日父母錫錫 鄭嘉穎甫對比照力證似足爸爸

{{hket:inline-image name="g1.jpg"}}{{/hket:inline-image}}

 (圖片：《仨心友行》電視截圖)

現時Grace下嫁鄭嘉穎又誕下可愛囝囝Rafa之後，成為幸福人妻和媽媽，當時Rafa出世不久，嘉穎接受訪問時曾經表示為怕太太患產後抑鬱症，自己將幕前的工作暫緩，留在家中陪伴太太湊小朋友，一方面分擔新手媽媽的壓力，二方面可以照顧太太的情緒，認真是暖男老公。

{{hket:inline-image name="8071927.jpg"}}{{/hket:inline-image}}

(圖片：鄭嘉穎IG）

{{hket:inline-image name="84434519_852404795235844_7684054781872123004_n.jpg"}}{{/hket:inline-image}}

（圖片：陳凱琳 IG）

撰文：楊安莉