【新冠肺炎】港媽利用善心收割抗疫物資 街坊炮轟：呃呃埋埋夠開士多

在新冠肺炎（武漢肺炎）疫情下，口罩、消毒清潔用品等抗疫物資短缺，但社會上不少善心人士仍樂於幫助別人共度時艱。然而，深水埗一名港媽卻被指利用街坊善心去獲取抗疫物資，有街坊炮轟道：「呃呃埋埋夠你開士多啦，都仲搲！」

「日日當成班街坊係水魚！」有網民日前在Facebook群組「深水埗街坊會」發帖，指摘一名聲稱育有9歲兒子的女子，利用街坊善心去「收割」抗疫物資，

「日日出po扮可憐點人去幫你買呢樣嗰樣，一係就叫人哋原價轉讓畀你/share畀你，又話自己湊住細路落唔到街，街坊話附近有貨你又話啲舖頭行太遠去唔到（明明就係佢隔離街）。」

{{hket:inline-image name="wh170220205.jpg"}}{{/hket:inline-image}}

女子在群組內多次發帖，向街坊索取抗疫物資的「資訊」。（「深水埗街坊會」圖片）

從樓主上傳的資料顯示，女子曾在群組內多次發帖及回覆有關抗疫物資的帖文，聲稱曾想買滴露沐浴露，但足足找了三星期一支都買不到，「又帶住條𡃁仔，好唔方便」；當有街坊回覆她附近超市有返貨後，她便「打蛇隨棍上」，詢問「可幫我買嗎？我帶住小朋友行得慢。」除了生活用品外，她亦會開聲叫街坊幫手買口罩、消毒紙巾、漂白水等物資，辯稱「買唔到，帶住小朋友！」、「我知我一定唔夠人搶！」

樓主指出，該名女子所住之處十分方便，附近有多間超市，況且兒子已經9歲大，

「點可能落唔到街？個仔係正常，行得走得快過我……約你交收、送嘢畀你你又落到街嘅？同埋你唔識上網買嘢？你老公呢？成家唔出街？街坊買嘢唔使搵、唔使撲？唔洗(使)排隊、唔使拎？」

樓主對於該名女子的所為深感不滿，直斥她在現時人人都不夠物資之際，竟然利用街坊的善心，並呼籲其他街坊要小心，

「買完仲要拎埋去你樓下畀你，呃呃埋埋夠你開士多啦，都仲搲！好多位街坊上咗當，諗住好心，送咗好多嘢畀佢！」

{{hket:inline-image name="wh170220207.jpg"}}{{/hket:inline-image}}

樓主曾與涉事女子對質，對方指因兒子「又曳又麻煩」而未能外出。（「深水埗街坊會」圖片）

除了樓主外，有受害街坊亦留言表示：「佢個仔行得快過我，我仲送咗支漂白水畀佢！」大批網民對該名港媽的所作所為看不過眼，紛紛留言表示：「伸手黨！」、「我都留意咗佢一排，無論深水埗任何地方有貨返，佢都話好遠唔方便去架！」、「最衰係博人心地好，最傷係同情心。」、「你咁樣消費完街坊， 結果就令每位街坊再有所防範，到最尾所有互信互助就玩完。」

撰文：李凱晴