【買口罩】親友之間口罩荒下見真情 網民分享經歷：睇清楚好多人

新冠肺炎（武漢肺炎）疫情持續擴散，加上口罩、消毒搓手液等供應短缺，導致人心惶惶。有網民日前發文，指口罩令其「睇清楚好多人」，至少看清了身邊兩位朋友的為人。對此，有網民感慨地稱：「俗語有云『患難見真情』，幾時有災難都係人性大考驗！」

好好先生平價買口罩 高價售予朋友

該名網民日前在網上討論區「親子王國」，以「口罩睇清楚好多人」為題發帖，分享在口罩荒下，至少看清了身邊兩位朋友的為人，「朋友一」平時是「超有禮貌嘅好好先生」，捨得花錢，

「佢入咗幾十盒口罩，我無意中知道，亦知大約價錢，我哋日日見到的，我直接問佢，佢話冇晒，畀晒家人自用的，後尾知道佢偷偷問我共同朋友要唔要，加左百幾蚊一盒利潤上去，但果個朋友嫌貴又唔知口罩合唔合規格，問我意見，最後冇買。」

慳儉先生主動關心 免費讓出口罩

至於「朋友二」，樓主則表示彼此平時少見，對方是個「好慳儉，食都唔捨得，粗魯啲嘅人」。不過，一天對方致電樓主，

「一打嚟就問我有冇排口罩，話有200蚊50個口罩，佢地同事夾份訂咗一啲，問我要唔要，我話要，多謝佢讓畀我，後尾佢仲搵人攞比我，唔肯收錢，佢話收錢就唔畀我，我知成本都要200蚊。從呢件事，睇清楚兩個人。」

感同身受分享經歷 網民：患難見真情

大批網民表示感同身受，紛紛留言指「患難見真情」、「大難臨頭各自飛」、「朋友唔使多，有幾個真心對待就夠」、「這時期真的不應該賣口罩賺錢」、「起呢個時世，雪中送炭的人真係要珍惜」。

不少網民亦分享親身經歷，「姑仔平時好小氣，但原來送了20個給老公」、「身邊都有一啲平時無好好裝備自己嘅人，有事就搭單叫人訂，已經平時叫佢學，疫情初期又懶懶閑，唔入定少少，而家就周圍問人有無訂」、「我都有朋友群組中有人話自己買咗幾多幾多口罩，但係從來冇問你需唔需要買」。

凡事有兩面 網民：背後或有好多唔知嘅原因

不過，有網民認為雪中送碳固然是好，但凡事有兩面，不能輕易斷言，「唔係指你係斤斤計較嘅人，只係講畀你知有可能背後有好多唔知嘅原因，唯有諗開啲，免得自己唔開心」、「只可以咁諗，畀係人情唔畀係道理」。

撰文：李凱晴