【賣口罩】婆婆靠「史前」極單薄口罩度日 為慳口罩困家4日始落街1次

武漢肺炎（Covid-19）疫情肆虐，本港乃至全球多地都出現口罩短缺的問題，長者要買到口罩更是難上加難。有善心港女昨日（13日）在街上遇到一名婆婆，臉上所戴口罩極度單薄兼「特別」，得知原來婆婆因為無法買到口罩，在家中翻箱倒籠找出多年前朋友所贈的口罩使用，對此十分心痛，於是向婆婆送上20個全新口罩及搓手液，獲大批網民盛讚。

該名善心女子在Facebook發帖，指當日街上一名婆婆臉上的口罩吸引她注意，「一個我從未見過嘅口罩款，而且佢手上有2大袋餸，亦有拐杖，行動極度緩慢。」她遂上前了解婆婆的難處，對方回答指「排唔到口罩」，只好在家中找出朋友送的陳年口罩來用，

「睇相都見到個口罩係極度單薄，無鐵線，只係一塊透透地嘅紗布。我於是送上10個口罩，佢好開心到係咁問我哋點解咁好人，係咩機構，我隨手指一指，話我地住附近，街坊嚟㗎！」

{{hket:inline-image name="wh140220201.jpg"}}{{/hket:inline-image}}

婆婆臉上口罩沒有鐵線，且極為單薄。（網上圖片）

婆婆續指，家中只得少量口罩，「要慳住用」，所以每4日才落一次街買餸，一買就要買夠4日分量。善心女於是替婆婆將餸菜拿回其住所樓下，經交談得知婆婆獨居，

「而且老人家資訊唔夠發達，邊度有口罩排都唔知，邊度有口罩派更加唔知，領取嘅綜緩更加唔夠去買天價口罩，所以跟(根)本無辦法。惟有，計住數，少啲出街，或者洗一洗個口罩，重用再重用。」

最後，善心女再送多10個口罩、搓手液及超市禮券等予婆婆，而對方亦不斷道謝。她希望此舉可以感染到他人，多留意身邊或街上的長者；關心一下對方，

「要贏呢個病毒，一定唔可以自私，因為你身邊或者你住嘅區域，又或者你平時出入嘅地方，見嘅朋友都好，同你都有密切嘅關係。大家一齊努力戰勝呢場咁艱難嘅仗吧！」

起初她在帖文中稱婆婆的口罩是上世紀80年代所得，差不多40年前。但其後有自稱是婆婆孫女的女網民留言致謝，並澄清口罩是婆婆的朋友數年所送，但「佢朋友擺咗幾耐就無從稽考」。對方又指家人都盡力撲口罩分給婆婆，

「可惜我哋都不停被cut單，好難買倒口罩……我都有勸佢，個口罩太薄，有其他口罩就盡量唔好戴嗰隻啦，佢都應承咗我。」

撰文：李凱晴