【11歲差距】林憶蓮恭碩良姊弟戀分手一年 傳第三者介入致8年情告吹

53歲的林憶蓮今日被台灣媒體爆出和交往8年、細佢11歲嘅音樂人恭碩良分手，消息指稱兩人1年幾前已經分開，不過向來對感情事低調嘅憶蓮未有對外公開，針對此事，林憶蓮透過經紀人陳鎮川坦承兩人已分手1年幾，目前維持朋友關係。

{{hket:inline-image name="TUNGSTAR5568456.jpg"}}{{/hket:inline-image}}

恭碩良與林憶蓮（東星娛樂）

有傳二人分手嘅原因係恭碩良另結新歡，陳鎮川就未有證實。林憶蓮同恭碩良拍拖多年多次傳岀恭碩良求婚嘅消息，不過憶蓮都係拒絕，佢更於訪問時提過：「沒有結婚嘅打算，未來亦唔會有。」不過就公開講過恭碩良係佢生命中最重要嘅男人。

{{hket:inline-image name="TUNGSTAR5004278.jpg"}}{{/hket:inline-image}}

恭碩良與林憶蓮（東星娛樂）

回顧林憶蓮多年感情史，佢都係不愛美男愛才子。憶蓮十幾歲時曾與同商業電台DJ同事陳輝虹相戀，不過二人好快就分開咗。

{{hket:inline-image name="TUNGSTAR1381172.jpg"}}{{/hket:inline-image}}

陳輝虹（東星娛樂）

1987年，林憶蓮遇上音樂才子許愿，當時許願係佢嘅形象指導同排舞老師，無幾耐二人公開戀情，更合組製作公司「星工廠」，不過二人最終都喺四年後分手。

{{hket:inline-image name="TUNGSTAR2467429.jpg"}}{{/hket:inline-image}}

許愿（東星娛樂）

1992年，林憶蓮被指介入李宗盛同佢當時太太朱衛茵嘅婚姻，最終李宗盛與朱衛茵5年後離婚。朱衛茵曾出書講同李宗盛嘅婚姻：「離婚應該是兩個人各打50大板，我以前真的不是成熟的老婆」。李宗盛離婚3年後，林憶蓮同李宗盛喺台灣舉行記者會，公開即將結婚兼有喜嘅消息，同年生咗阿女李喜兒。

{{hket:inline-image name="599067_265665023540507_1878648192_n_600.jpg"}}{{/hket:inline-image}}

林憶蓮與李宗盛（網上圖片）

惟二人婚後多次傳出婚變，到04年李宗盛發聲明，承認已同憶蓮離婚，之後憶蓮與陳輝虹曾短暫復合。

2011年林憶蓮同恭碩良憶蓮被傳媒影到拍拖，二人期後大方承認相戀。有傳出憶蓮阿女李喜兒本來唔喜歡恭碩良，但後來因為對方教佢打鼓、彈吉他，互動令關係變得融洽，恭碩良成功融化喜兒，可惜最後林憶蓮同恭碩良都未能開花結果。

撰文：黃蘊姿