【口罩】外傭家人幫手撲醫院用口罩 20盒被偷龍轉鳳僱主嬲到爆炸

武漢肺炎疫情嚴峻，本港口罩供應持續緊張，不少市民紛紛從海外訂購口罩，惟要小心運輸過程貨品可能會被「調包」！有僱主指家中外傭的家人早前為她在印尼代購20盒當地醫院用的口罩，日前前往取貨時，卻發現口罩全被「偷龍轉鳳」換成較便宜的款式，大感憤怒，惟目前仍未知口罩被「調包」的原因。

一名僱主早前在Facebook群組「外傭僱主必看新聞信息」中，貼出幾張盒裝口罩的相片，發文指家中外傭的母親是一名醫生，在香港還未出現「口罩荒」時，已為她在印尼買了20盒當地醫院使用的口罩，該名僱主日前特地駕車與外傭一同到深水埗取貨：

「話說我個工人姐姐媽媽好好，喺香港人仲未搶口罩時，已經喺印尼幫我哋買咗20盒（印尼醫院用嘅牌子），等咗個幾禮拜，今日（1日）特登車姐姐出去攞貨，怕佢一個人拎唔到，又唔想佢出街搭地鐵。」

怎料僱主取貨拆箱後，發現口罩被人「偷龍轉鳳」，原來的口罩，不知為何被換成較平價口罩，原本跟口罩放在一起的維他命也不翼而飛：

「結果，畀人偷龍轉鳳......嬲到爆炸！」

僱主指，身在印尼的外傭母親「會帶警察去寄件嘅舖頭理論」，而當局就回應指會查看閉路電視，惟僱主目前仍未知道口罩被「離奇調包」的原因，亦不清楚是何者所為。

不過，令僱主大感無奈的，始終是現時一「罩」難求的情況，且「搞咁耐得個吉」，實在辛苦外傭的母親，「就算賠錢又好，總之依家就冇咗啲口罩（得返啲唔敢用嘅街邊貨），佢媽媽喺嗰邊買原本20盒都已經好難，依家更加難上加難！」僱主又特地提醒，委託外傭購買口罩時切記要留意。

不少網民看到帖文後，紛留言表示擔心訂購的口罩同樣會被「調包」：「我工人嘅家人奔波咗2日，我都擔心畀啲人『偷龍轉鳳』」、「我都好擔心姐姐嚟緊寄返嚟嗰啲」，更有人指曾遇到同類情況：「我喺印尼訂咗貨，今日叫姐姐屋企人去取貨，發現賣家將所有口罩都換咗」。

最新口罩供貨消息：

【不斷更新】口罩最快明日有貨 各大商戶最新供貨詳情

【不斷更新】良心商戶派10萬個口罩港人優先 本周全港各區免費派口罩一覽

撰文：蘇麗儀