現年40歲嘅前歌手小雪近年定居澳洲，久未有喺香港露面嘅佢上年曾出席無綫節目《流行經典50年》擔任嘉賓，一出即刻嚇親觀眾，事關佢個樣十年如一日，同佢初出道嘅時候幾乎冇分別，保養得好好！
（東星娛樂）
（網上圖片）
其實擁有一張「孩子臉」嘅佢已經飽歷滄桑，育有一對仔女嘅小雪情路坎坷，曾經歷兩次婚姻失敗。正當大家以為呢兩次婚姻會將佢嚇怕嘅時候，2018年佢再次沐浴愛河，同後生佢四歲嘅韓籍老公Robin Cheung結婚，如今婚姻非常幸福美滿。
小雪與現任老公Robin（東星娛樂）
原名蔡雪敏嘅小雪是模特兒出身，2000年加盟BMA同年推出三張EP成為新人王，當時清純的形象吸引不少宅男粉絲追隨，她的代表作係與漢洋合唱的《其實我介意》，當時絕對係卡拉OK必點的流行K歌。
小雪與漢洋這個組合曾經是一個經典。（東星娛樂）
雖受公司力捧，但小雪星途一直平平，04年解約後下嫁永安旅遊前太子爺陳迅元，婚後育有女兒Ronni，不過05年因爆出陳迅元「偷食」性感女星蔡慧敏而離婚，婚姻只係維持咗短短兩年。
2013年嘅小雪雖然好Slim，但成個人唔太精神，睇落仲老過依家！（東星娛樂）
兩年後，小雪帶女改嫁一名陳姓澳洲籍華人，有傳對方係貿易公司太子爺兼小雪舊同學，小雪喺結婚第二年生咗細仔Rocco。到2014年小雪宣布再度離婚，獨力照顧一對子女。
小雪同現任老公補辦韓式婚禮，一對仔女都着上韓服。（網上圖片）
經歷兩次婚姻失敗，小雪形容人生有一段「空白期」，捱得過呢段日子，全靠身邊嘅兩個仔女。
（小雪Facebook）
小雪表示同現任老公感情要好，兩個小朋友都係叫佢爸爸。小雪為咗畀兩個小朋友做好榜樣，學識用正面方式去解決問題。
雖然冇血緣，但同繼父相處融洽，仲Close過親老竇！（網上圖片）
Happy Family～（小雪Facebook）
撰文：黃蘊姿