《姊妹淘》吳若希勁誇用一法箍煲挽回老公 網民狂轟太羞家 力數3宗罪

情侶、夫妻之間相處鬧交係在所難免，《姊妹淘》83集請來黃嘉樂同大家分享最激經歷，雖然他直認燥底，但他會主動向另一半道歉；而張寶兒、蔡嘉欣也偏向和平主義...他們3個的激動程度遠遠比不上吳若希。

{{hket:inline-image name="14.jpg"}}{{/hket:inline-image}}

(TVB電視截圖)

吳若希先提及自己聽到3句話會一秒即嬲：「第1句係『我知』，知乜鬼嘢啫你，知就唔會做錯啦！你就係唔知呀嘛，我依家咪同你講囉。第2句係『唔係』，咩唔係啫，已經係咗啦，做咩唔係啫？第3句係『你唔明㗎喇』，唔咩明啫？我話畀你聽就係咁，唔會係唔明㗎啦！」黃嘉樂聞言在旁苦笑，仲愈坐愈遠，指自己一定會跟吳若希鬧交，事關這3句就是他常說的話。

{{hket:inline-image name="11.jpg"}}{{/hket:inline-image}}

(TVB電視截圖)

{{hket:inline-image name="12.jpg"}}{{/hket:inline-image}}

(TVB電視截圖)

{{hket:inline-image name="13.jpg"}}{{/hket:inline-image}}

(TVB電視截圖)

除了口頭攻擊，吳若希仲自爆好激，在情變時曾「爆門」進入當時男友（即現任老公) 家砸爛物品，笑言在《多功能老婆》蘇蝶一角就是在演繹自己。張寶兒、蔡嘉欣很好奇：「又有嘢爆喎！」，吳若希大笑續說：「我真係會丟嘢...嗰陣時我現任老公，我哋中途曾經分開一段時間，因為佢唔嗲唔吊，我又係嗰啲得唔到我要嘅結果，我就會chur。但我連佢個人都逼唔到，我就會癲咗...嗰時我上咗佢屋企，打爛晒佢屋企所有嘢...」

蔡嘉欣聽到即大叫：「好恐怖」，吳若希繼續爆料：「包括電視、魚缸、花樽、床...」，張寶兒很驚訝問條魚的去向，吳若希很冷靜地說：「我開咗洗手盆個水，將條魚擺咗喺裡面」，黃嘉樂反問是否有可能觸犯刑事罪行，其他人和應。吳若希大笑：「最後好得意...點解我咁嬲，因為佢換咗屋企密碼鎖，點解佢要換密碼鎖？擺到明要隔開我，以後唔見我啦！跟係我搵個開鎖佬上去，爆咗佢屋企個鎖。」，張寶兒、蔡嘉欣都聽到狂笑，只有黃嘉樂表情僵硬地問她為何可令鎖匠願意開門。吳若希解釋：「因為我確實有喺嗰度住過，個看更認得我，我就話：『哎呀我個密碼鎖有啲問題，唔知做咩事，冇電定點樣，我嘅指紋又讀取唔到...」，最後她自己都覺得那次是最差、最激動的一次。

{{hket:inline-image name="15.jpg"}}{{/hket:inline-image}}

(TVB電視截圖)

{{hket:inline-image name="16.jpg"}}{{/hket:inline-image}}

(TVB電視截圖)

{{hket:inline-image name="18.jpg"}}{{/hket:inline-image}}

(TVB電視截圖)

{{hket:inline-image name="17.jpg"}}{{/hket:inline-image}}

(TVB電視截圖)

吳若希用暴力來發洩情緒，令張寶兒好奇二人有否因此事吵架，又如何和好，吳若希竟然表示：「和好唔到㗎，所以我好憎佢依家！所以我覺得依家想抖抖，冷靜吓，如果唔係我同佢嘅婚姻真係紙上婚姻。」

{{hket:inline-image name="19.jpg"}}{{/hket:inline-image}}

(TVB電視截圖)

這番言論引來網民很大反應，狂轟她是情緒失控，還有人於討論區出帖文力數吳若希3宗罪，重提她去年年頭於《東京血拼攻略》頻頻失禮港人被網民鬧，最後她忍不住在社交平台開腔反擊的舊事(相關新聞：吳若希發表港女論 開腔反擊網民連日狙擊)。

{{hket:inline-image name="23.jpg"}}{{/hket:inline-image}}

(吳若希Instagram截圖)

{{hket:inline-image name="20.jpg"}}{{/hket:inline-image}}

(TVB Facebook page截圖)

{{hket:inline-image name="21.jpg"}}{{/hket:inline-image}}

(討論區截圖)

撰文：張芷晴