【鼠年開餐喇】鄭融連詩雅美食當前難忍口 梁諾妍預告同男友洪永城一齊...

鄭融、連詩雅、梁諾妍（Inez）、黎紀君（Christy）、鍾浠文和邢慧敏幾位靚靚女星一齊食飯團拜，由於「大師兄」要忙住為囡囡周芯悅餵奶，未能出席，所以一眾美女都向老闆鄒世龍拜年逗利是，非常熱鬧。 面對眼前豐盛的素菜盛宴，美女們都食指大動起筷，率先齊齊「撈起」，寓意今年大家的事業都愈撈愈起，風生水起。美食當前，一眾美女都不客氣瘋狂食，連老闆都忍不住問：「你哋有啲係歌星、有啲係模特兒，咁樣食得唔得呀？」老闆一夕話如當頭棒喝，她們無奈問：「食埋呢餐先減得唔得呀？」

新年假期期間，相信大家都好投入氣氛當中，不停食大餐，年糕、蘿蔔糕、角仔等等，到底呢班歌手同模特兒點可以保持身型在最佳狀態呢？

相關新聞：鄭融領養8歲格力犬： 「佢唔係洗衣機 唔使睇年期」

{{hket:youtube id="HgJiUcuv7Eg"}}{{/hket:youtube}}

{{hket:inline-image name="45.jpg"}}{{/hket:inline-image}}

(圖片：《晴報》羅灝駿攝)

{{hket:inline-image name="8c3f1b8e-e12c-4c0e-9335-29e7cbc362da.jpg"}}{{/hket:inline-image}}

(圖片：《晴報》王華婷攝)

{{hket:inline-image name="DINNER.jpg"}}{{/hket:inline-image}}

(圖片：《晴報》王華婷攝)

鄭融 放任食完先算

「農曆新年不要在意如何健康飲食，最重要食得開心同應節，減肥之後再算啦！」生肖屬鼠的鄭融今年計劃多多，去年《13樓的大笨象》一曲大受歡迎，她特別拍了一套微電影，快將上架。除了繼續推出新歌之餘，她計劃將開個人音樂會。

{{hket:inline-image name="14.jpg"}}{{/hket:inline-image}}

(圖片：《晴報》羅灝駿攝)

連詩雅 為健康減食為妙

「幸好我不太喜歡賀年食品，不會食太多，糕點都係食少少應吓節就好。」一向熱愛跑步的連詩雅以往都靠跑減肥，不過由於大腿有血管增生問題，為免惡化成腫瘤，不敢大量運動，暫時保持良好飲食習慣，保持身體健康最重要。

{{hket:inline-image name="21.jpg"}}{{/hket:inline-image}}

(圖片：《晴報》羅灝駿攝)

黎紀君 甜品師冇得戒甜

「新年最鍾意食蘿蔔糕，我知蘿蔔糕卡路里好高，咁就食少少啦！我已經差不多半年夜晚唔食白飯，淨係食菜同肉。」好表示自己是甜品師，難以戒甜，唯有多做運動，人馬座的她愛新鮮，踏單車、拳擊、健身等輪住做。

{{hket:inline-image name="29.jpg"}}{{/hket:inline-image}}

(圖片：《晴報》羅灝駿攝)

梁諾妍 同男友齊齊運動

「煎糕時盡量用吸油紙巾吸走啲油先食，罪疚感會細啲，平時少食多餐，等身體容易消化。」Inez跟男友洪永城感情穩定，未知會否「閃婚」做鼠年新娘呢？她說：「依家個狀態幾好，大家都努力工作，我都好努力跑步。今年我哋有個共同目標，就係一齊跑半馬拉松，睇吓去邊個地方，預計四 或五月就成事。」

{{hket:inline-image name="4.jpg"}}{{/hket:inline-image}}

(圖片：《晴報》羅灝駿攝)

{{hket:inline-image name="73527642_448748665762147_3260702222244716063_n.jpg"}}{{/hket:inline-image}}

(圖片：洪永城IG)

場地：功德林上海素食
服裝：H&M (連詩雅), ITHK (梁諾妍)
髮型：Sky Wong @ Mplussalon (黎紀君、連詩雅) Jamie Lee @Hair(鄭融、梁諾妍) Steve @ Indulgence(邢慧敏)
化妝：Chris Lam