前陣子向海嵐喺節目入面澄清多年來的傳聞，原來她同向華強根本完全沒有親戚關係，連向字的姓氏其實都是由爸爸開始先用。其實娛樂圈藝人都有千絲萬縷的關係，仲有啲明星，唔講你真係唔知原來佢哋係有親戚關係，以下呢啲明星親戚組合，你又知道幾多個呀？
楊思琦、李嘉欣
思琦妹家族唔只佢一位港姐冠軍，佢早前接受訪問時話原來1988年港姐冠軍、有「大美人」之稱的李嘉欣係佢姑媽嘅姨甥女，不過思琦妹就話兩人唔算好熟，只係喺家族聚會碰過面。記者計計親戚關係圖，嘉欣係思琦姑媽個姨甥女，佢哋咪即係兩表姊妹囉？
（IG圖片）
（IG圖片）
廖碧兒、夏韶聲
夏韶聲原來是廖碧兒的舅父，唔知大家又知唔知呢？廖碧兒係2001年國際華裔小姐，之後在TVB拍過多部劇集，其後離開TVB轉拍內地或者ViuTV電視劇，又搞紅酒生意。至於夏韶聲就有「香港搖滾之父」之稱，對UFO、外星生物都好有研究。
（東星娛樂）
（東星娛樂）
陳百祥、陳曉東
兩個由外表同風格都看似毫無關係，一個是香港電影及娛樂圈的大前輩，另一個專心在音樂界發展，但其實陳曉東同陳百祥是兩叔姪，不過網上有不同的版本，有指是表叔姪，又有指是叔姪，不過大家入咗娛樂圈，已經由親戚昇華到同行。
（東星娛樂）
（東星娛樂）
魯迅、許紹雄
呢個神秘的關係真係令唔少人震驚，大名鼎鼎的中國文學家魯迅同許紹雄係有親戚關係，魯迅太太許廣平原來係許紹雄姑婆，咁計返魯迅就係許紹雄的姑丈公。
（IG圖片）
張敬軒、張繼聰、謝安琪
張繼聰係張敬軒的表舅父，所以謝安琪就順理成章係張敬軒表舅母。
（東星娛樂）
（IG圖片）
陳奕迅、王祖藍
雖然呢兩個人好似冇咩關係，一個係著名歌手，另一個係行搞笑路線的藝人，但王祖藍曾透露過，原來陳奕迅其實係佢遠房表哥。
（東星娛樂）
（IG圖片）
張智霖、曹查理同上山詩鈉
張智霖的舅舅係90年代當紅三級片男明星曹查理，至於曾經是TVB當家花旦的上山詩鈉，其實是張智霖的表姐。上山詩鈉曾經同藝人莫少聰拍過拖，其後有過兩段短暫婚姻，97年替首任丈夫生下一女Hillary，現在已經退出娛樂圈轉行做保險。
張智霖同靚靚（微博圖片）
上山詩鈉同阿女Hillary（IG圖片）
梁漢文、尹志強
尹志強是一代足球名將，生前同藝人米雪相戀24年，雖然二人沒有結婚，但一直非常恩愛，而歌手梁漢文其實是尹志強的外甥。
（IG圖片）
米雪同尹志強相愛多年（東星娛樂）
馬德鐘、朱咪咪
朱咪咪老公係馬德鐘堂哥，朱咪咪同佢係堂叔嫂關係，2015年係紅館合唱一首《相逢何必曾相識》以公開關係。
（東星娛樂）
（東星娛樂）
爾冬陞、姜大衞、秦沛
姜大衞和秦沛是兩兄弟，而爾冬陞則是同母異父的兄弟，三人在演藝事業上都成就非凡。爾冬陞係著名電影導演，係電影圈相當有影響力，而姜大衞、秦沛是實力演員，由邵氏拍電影開始，直至到現時在電視劇都深受電視迷歡迎。
爾冬陛（東星娛樂）
姜大衞（東星娛樂）
秦沛（東星娛樂）
撰文：羅慧怡