【21年父女戀告吹】焦媛被指做小三介入高志森婚姻 童年心靈缺失直認有戀父傾向

43歲焦媛與61歲高志森的父女戀維持了21年，兩人除咗係戀人亦係工作夥伴，多年來創造出無數經典舞台劇，可惜呢段感情至年前亦已畫上句號。焦媛最近在訪問中哭着承認，兩人早在一年前分手，但強調當中冇涉及第三者，雖然已經分開，但兩人工作上仍會合作，焦媛亦視高志森為一世嘅老師。分手主因係隨住年齡增長想法有所改變，焦媛呢一刻希望搵到個思想同步嘅人。

{{hket:inline-image name="TUNGSTAR4405547.jpg"}}{{/hket:inline-image}}

（東星娛樂）

焦媛跟高志森年齡相差18歲，焦媛2000年剛剛畢業，只得24歲的她承認同對方拍拖，更一度背負第三者之名，最終高志森公開98年已跟太太離婚。不過兩人關係初時仍未被看好，後來隨着工作上經常合作關係，感情亦愈來愈穩定，其間亦傳出過婚訊，可惜最後都變成「分訊」。焦媛早年接受訪問時為自己解釋：「當時外界話我係『小三』，其實我同高生一齊嘅時候，佢已經同前妻離咗婚，只不過佢無特別對外公布，當時我無特別唔開心，因為我知道佢對我好就得。」

{{hket:inline-image name="TUNGSTAR4912356.jpg"}}{{/hket:inline-image}}

焦媛同高志森（東星娛樂）

訪問中焦媛提到跟高志森嘅關係時不禁落淚，佢指就算分手，亦視高志森為一世嘅老師。焦媛稱今次分開係因為隨住年齡增長，自己想法有所改變，呢一刻希望搵到個思想同步嘅人。「以前細個20幾歲好叻嘅人已經滿足到我情感上嘅要求，到40歲我開始需要一個明白理解我嘅人。我依家覺得愛情入面，對方唔一定要叻，唔一定要lead住我，反而明白我、了解我，同我一齊同步成長仲好。」

相關新聞：【御用皇帝】李龍基自認臭脾氣風流愧對前妻 譜「父女戀」再娶內地太太變樓王

{{hket:inline-image name="TUNGSTAR774413.jpg"}}{{/hket:inline-image}}

拍拖21年，焦媛、高志森經常出雙入對，前幾年焦媛跟過對方回鄉祭祖（東星娛樂）

焦媛當年選擇同高志森一齊，係因為佢有戀父傾向，呢個亦源於童年的心靈缺失。焦媛3歲前都冇同父母生活，跟住婆婆長大，細細個缺乏父母嘅愛，直到一家四口嚟到香港，爸爸被迫由京劇演員轉行變成工廠雜工。焦媛望住爸爸孭咗成頭家的壓力係身上，佢一直想出人頭，為爸爸出番啖氣令佢自豪，又直言爸爸係佢精神價值，話佢戀父狂都認。多年來帶住呢份壓力去工作，焦媛仲試過情緒爆煲，要向心理醫生求助。

{{hket:inline-image name="11017622_1617632301791539_520186032_n.jpg"}}{{/hket:inline-image}}

焦媛非常熱愛舞台劇演出（IG圖片）

{{hket:inline-image name="928615_468969156580173_1400043704_n.jpg"}}{{/hket:inline-image}}

（IG圖片）

撰文：羅慧怡