終於有任務 《國產凌凌漆》金槍人開書畫展 文革時期逃港造就紐約戲劇大師

佢係一位周身刀嘅藝術大師，繪畫、書法、以至舞台設計、電影美術指導佢都通曉。佢嘅真名叫黃錦江，不過更多人認得佢係《國產凌凌漆》入面嘅終極大魔王「金槍人」；又或者係《賭神2》中嘅魔術師張寶成。

{{hket:inline-image name="VNjsvfUAx5Eh9SX6FzkYnkIw_M4OP8CkjUdu_o1Hbv4.jpg"}}{{/hket:inline-image}}

（《賭神2》截圖）

黃錦江客串過唔少電影，雖然唔係主角，但都喺觀眾心中留低咗深刻印象。好耐冇喺香港電影中見到嘅黃錦江，尋日喺藝術中心舉行「四十不惑」書畫展，獲劉兆銘同導演章國明等人捧場。

{{hket:inline-image name="0ea8b896-e24b-45a5-907a-79cbcba3a512.jpeg"}}{{/hket:inline-image}}

冇乜點變樣！（東星娛樂）

{{hket:inline-image name="MPW2523_A108-111_033_crop.jpg"}}{{/hket:inline-image}}

（《國產凌凌漆》截圖）

今年68歲嘅黃錦江表示佢已經作畫五十幾年，今次係第三次喺香港做畫展，而對上一次已經係廿幾年前：「這次展出70、80幅作品，我一直都有創作，沒有停過。」原來近年佢都仲有拍戲，不過唔再係做反派：「前年拍了一部大陸電影，在非洲拍了一個多月，是關於保護動物，係我第一次做正派，做個慈祥嘅爸爸，改邪歸正，哈哈。」

{{hket:inline-image name="ef057f1a-031f-408a-b843-cf875a0acb54.jpeg"}}{{/hket:inline-image}}

（東星娛樂）

黃錦江話拍戲時佢唔係主角，有時未輪到佢出場，佢就會喺酒店房入面畫畫，不過佢就話拍《國產凌凌漆》嘅時候冇呢個閒情作畫：「怕星爺（周星馳）會話我唔專心，唔夠專業，現場分心唔得，我係喺房畫。」今次展覽佢都有邀請星爺，不過對方唔得閒。黃錦江話佢同星爺都有保持聯絡，不過星爺貴人事忙，佢哋唔係成日見。

{{hket:inline-image name="b780f3b4-f009-40a1-9059-d50c63f6e8d9.jpeg"}}{{/hket:inline-image}}

（東星娛樂）

四十多年前文革時期黃錦江由安徽來香港，一心向藝術方向發展嘅佢到當時嘅巿政局任職美術設計，後來輾轉加入咗當時成立冇耐嘅香港話劇團任舞台設計，更先後為香港舞蹈團、城巿當代舞蹈團、香港芭蕾舞團等藝術團體做美術設計工作。

黃錦江曾憶述當時最有興趣嘅係色情雜誌：「只要是有圖有文字的東西，都要拿來翻翻，好像要將國內所有禁止的知識都補回來，尤其是性知識。」於是佢睇咗唔少《藍皮書》、《尤物》、《Playboy》調整佢「無產階級鬥爭理論」下嘅性學概念。

{{hket:inline-image name="IyLm-DO7ejEmuGJ-cZQo1WNY_6bQBbdGiOnAL4jpwC8.jpg"}}{{/hket:inline-image}}

「就算一張廁紙、一條底褲，都有佢本身嘅用處。」（《國產凌凌漆》截圖）

之後黃錦江經李碧華介紹加入邵氏，為《愛奴新傳》、《教頭發威》等電影任美術指導，到八十年代仲客串演出電影，除《國產凌凌漆》同《賭神2》，佢仲演過《中南海保鑣》、《火燒紅蓮寺》等二十幾套電影。演戲方面，佢話影響佢最大嘅係周星馳同周潤發，因為當時冇乜演戲經驗嘅佢喺兩位身上學到好多。1989年黃錦江移居紐約，繼續從事藝術工作，並多次舉行個人畫展，現為紐約長江劇團總監，親自編導兼任舞台設計。

{{hket:inline-image name="640.jpg"}}{{/hket:inline-image}}

（《國產凌凌漆》截圖）

撰文: 黃蘊姿